1. Mavzu maktabgacha ta’lim tashkilotarida musiqa ta’limi vatarbiyasining maqsad hamda vazifalari

Maktabgacha ta’lim tashkilotida

musiqa ta’lim – tarbiyasini amalga oshirish uchun zaruriy

qo’llanma, o’yinchoq va ko’rgazmali materiallar

Musiqiy cholg’ular

Fortepiano (royal, pianino) – asosiy yetakchi cholg’u.

Royal yorqin, jarangdor tovushga ega bo’lib, odatda katta xonalarga joylashtiriladi. Unda bolalar tinglashlari uchun kuy chalish vaqtida, royalь qopqog’i ko’tarilib, maxsus moslama bilan tirab qo’yiladi. Bolalarning kuylashlari, bolalar cholg’ularida chalishga o’rganishlari vaqtida esa qopqog’i berk holda ijro etiladi.


Pianino – jarang kuchi va yuqori registr diapazoni jihatidan royalga ustunlikni boy beruvchi cholg’u bo’lib, kichik xonalarda foydalanish uchun qulaydir.

Har ikki cholg’u (royalь va pianino) xonaga bolalar kuylashi, tinglashi vaqtida cholg’uning o’ng tomonida joylashishlari uchun moslab joylashtiriladi, ya’ni, yuqori (jarangi bo’yicha yuqori) registr tomonida bolalarni joylashtirish shart. Bunday joylashish bolalarning ovozlarini yanada jarangdor bo’lishi, ochilib borilishiga ta’sir etadi.

Har qanday cholg’u asbobi alohida e’tibor va to’g’ri munosabatni talab etadi. Cholg’u asbobnining yaxshi saqlanishi, sozdan chiqmasligini ta’minlash maqsadida uni issiqlik tarmog’i tizimi yoki isitish moslamalari, derazaga yaqin joyda, yelvizakda yoki nam xonada saqlamaslik shart.

Bugungi kunda maktabgacha ta’lim tashkilotarida boshqa cholg’u asboblari – akkordeon, bayan, dutor, rubob kabi cholg’u asboblari vositasida ham musiqa mashg’ulotlari olib bolrilayotganini kuzatishimiz mumkin.