1-Мавзу. "Корхоналарни ривожлантириш стратегияси" фанининг

 
Назорат ва мухокама учун саволлар 
1.Бозор муносабатлари шароитларида корхонанинг кадрлар 
сиёсатини қай тарзда тасаввур қиласиз? 
2.Кадрлар тузилмаси деганда нима тушунилади ва уни белгилаб 
берувчи омиллар қандай? 
3.Реал иш ҳақи номинал иш ҳақидан нимаси билан фарқ қилади? 
4.Меҳнатга ҳақ тўлашнинг қандай тизим ва шаклларини биласиз? 
5.Қайси ҳолларда вақтбай ва ишбай ҳақ тўлашдан фойдаланиш 
мақсадга мувофиқ ҳисобланади? 
6.Нима сабабли корхонада меҳнат унумдорлиги суръатлари ўртача 
иш ҳақи суръатларидан ортиқ бўлиши лозим? 
7.Меҳнат унумдорлиги нима? Корхонада меҳнат унумдорлигининг 
ўсиш қандай аҳамияти касб этади? 
8.Корхонада меҳнат унумдорлигини аниқлашнинг қандай 
усуларини биласиз? 
9.Меҳнат унумдорлиги ва иш ҳақини режалаштириш моҳияти 
нимада? 
10.Қайси омиллар корхонада ишлаб чиқаришнинг ўсишини 
белгилаб беради? 
9-мавзу. Корхоналар ривожланишида молиявий ресурслар ва 
бизнесни молиялаштириш 
9.1.Корхоналарни молиявий ресурслар билан таъминлашнинг 
асосий йўналишларининг моҳияти ва мазмуни. 
9.2. Молиявий ресурсларнинг моҳияти ва таснифи. Молиявий 
ресурслар тушунчаси. 
9.3. Молиявий ресурсларни жалб этиш шакллари. 

---

262 
9.1.Корхоналарни молиявий ресурслар билан таъминлашнинг 
асосий йўналишларининг моҳияти ва мазмуни. 
Молия тизимининг муҳим бўғинларидан бири корхоналар 
молияси ҳисобланади.
Корхона ва ташкилотлар молияси- хўжалик юритувчи субъект ва 
давлат пул ресурслари фондини ташкил қилиш ва улардан такрор 
ишлаб чиқариш, рағбатлантириш ва жамиятнинг итимоий 
эҳтиёжларини қондириш мақсадларида фойдаланишдаги пул 
муносабатларин йигиндисидир. 
Корхоналар молияси қуйидаги функцияларни бажаради:
- Корхонанинг ижтимоий такрор ишлаб чиқариш жараёнидаги 
олинган молиявий натижаларини тақсимлаш ва қайта тақсимлаш; 
- Молиявий натижаларини тақсимланиши натижасидаги пул 
фондларини шаклланиши ва тегишли молиявий ресурслардан 
самарали фойдаланишини назорат қилиш; 
- Корхоналар молиявий хужалик фаолиятини рағбатлантириш. 
Корхоналарни молиявий бошқарув тизими: пул ресурсларининг 
вақтли қиймати концепцпяси, пул оқимлари, тадбиркорлик ва 
молиявий хатарлар, капиталлар баҳоси, самарали бозор каби қатор 
концепцияларгаасосланади.Молиявий муносабатлар корхоналардан 
тортиб умумдавлат миқёсигача бўлган босқичдаги пулнинг харакати 
билан боғлиқ муносабатларни ўз ичига олиши сабабли умумдавлат, 
маҳаллий хокимият органлари ҳамда корхоналар молияси бир 
биридан фарқланади. Шунингдек, иқтисодиётнинг реал секторида 
фаолият юритувчи турли ҳил мулкчилик ва соҳаларга тегишли 

---

263 
корхоналарда ижтимоий такрор ишлаб чиқариш жараёни барча 
даражадаги молиявий ресурсларнинг моддий асосини ташкил қилади.