1-mavzu: konstitutsiya asosiy qonunimiz darsning maqsadi

O`zbekiston xalqining tarixiy, ma'naviy va madaniy merosini avaylab-asrash
O`zbek xalqi boy tarixiy, ma'naviy va madaniy meros sohibidir. Shu boisdan Konstitusiyada, «Fuqarolar O`zbekiston xalqining tarixiy, ma'naviy va madaniy merosini avaylab-asrashga majburdir»-deb belgilangan. O`zbek xalqi o`zi yaratgan tarixiy, ma'naviy, madaniy boyliklarini to`la saqlash va asrash imkoniyatiga ayrim davrlarda ega bo`lmagan. Ayniqsa, Sobiq sho`rolar davrida xalqimizning juda ko`p tarixiy, ma'naviy va madaniy boyliklari talon-taroj qilingan, xorijiy davlatlarga olib ketilgan, o`zaro va bosqinchilik urushlarida yakson qilingan. Asrlar bo`yi shakllangan o`zbek davlatchiligi, huquqiy madaniy meros namunalari sobiq sho`rolar davrida e'tiborsiz qoldirilgan. Bugungi kunda xorijiy davlatlarga olib ketilgan va xalqimizning bebaho boyliklarini qaytarish masalalari bilan maxsus komissiya shug`ullanmoqda. O`zbekistonning har bir fuqarosi xalqimizning tarixiy, madaniy, huquqiy boyliklar xazinasini ko`z qorachig`iday asrashi, uni kelgusi avlodlarga yetkazib berishni o`zi uchun farz, ham qarz deb his qilishi zarur.
Atrof tabiiy muhitga extiyotkorona munosabatda bo`lish
O`zbekistonda inson va fuqarolar atrof tabiiy muhitga ehtiyotkorona munosabatda bo`lishga majburligi Konstitusiyaning 50-moddasida mustahkamlangan. Inson tabiatning eng muqaddas boyligidir. Inson salomatligi, uning taqdiri, hayoti uchun tabiiy muhit nihoyatda zarurdir. Shu boisdan bu muqaddas burchni bajarish har bir fuqarodan aql, zakovat va tabiatga mehr, muruvvat talab qiladi. Tabiiy muhit qanchalik sog`lom bo`lsa insonlar, ayniqsa yoshlar jismonan sog`lom, baquvvat, kuchli, shijoatli bo`lib kamol topadi. Fan va texnikaning taraqqiyoti avj olgan hozirgi kunda insoniyatning hayot kechirish maskani bo`lmish tabiiy muhit alohida muxofazaga muhtoj. Atrof tabiiy muhitga extiyotkorona munosabatda bo`lish, asrash «Ekosan», «Orolni qutqarish» jamoat birlashmalari va davlatning maxsus organlari tizimi tomonidan tashkil qilinadi. Har bir fuqaro o`zi yoki mana shu kabi jamoat tashkilotlarining faoliyatlarida, davlatning tabiatni muxofaza qilish organlari faoliyatida faol qatnashib, o`zining Konstitutsiyaviy burchini ado etishi zarur. Konstitutsiyada belgilangan bu qoidani amalga oshirish, bu burchning mazmunini ochib berish uchun muhim joriy qonunlar ham qabul qilingan. Mustaqillik yillarida«O`zbekiston Respublikasining tabiatni muxofaza qilish tug`risida»gi, «Yer to`g`risida»gi, «Suv va suvdan foydalanish to`g`risida»gi, «Davlat sanitariya nazorati to`g`risada»gi, «Alohida muuofaza qilinadigan tabiiy hududlar to`g`risida»gi«Atmosfera havosini muxofaza qilish to`g`risida»gi muxim qonunlar qabul qilindi. Mazkur qonunlar fuqarolarning tabiat bilan bo`ladigan muloqotdagi majburiyatlarni belgilaydi. Tabiatga oid qonunlarga belgilangan burchlarni bajarish, ularni buzilishini oldini olish har bir fuqaroning muqaddas burchidir.
Tabiatni qanchalik yaxshi asrasak, yashash huquqimizni, sog`liqni saqlash huquqlarimizni ta'minlash imkoni kuchayadi. Tabiiy muhit sog`lom bo`lsa insonlarning umri uzayadi, salomatligi mustahkamlanadi.