1-Mavzu. Kirish. Turli foydali qazilmalardan foydalanishda boyitishning roli va axamiyati

Рудаларнинг қаттиқлигига қараб таснифи
Тоғ жинслари o’зининг қаттиклигига қараб 4 та гуруҳга бo’линади: юмшок, o’ртача, қаттиқ ва o’та қаттиқ. Юмшоқ рудаларга Продотьятанов М.М. шкаласига кo’ра 5 дан 10 гача қаттиқлик коэффициентига эга тоғ жинслари; o’ртача қаттиқликка эга тоғжинсларга 10 дан 15 гача коэффициентга, қаттиқ тоғ жинсларига - 15 дан 18 гача коэффициентга эга ва o’та қаттиқ жинсларга 18 дан 20 гача қаттиқлик коэффициентига эга тоғ жинслари киради.
Фойдали қазилмаларнинг қаттиқлиги, шунингдек, Мооснинг қаттиқлик шкаласи бo’йича (тирнаш усули) ҳам аниқланиши мумкин. Унга тo’ра, қаттиқ тоғ жинсларининг (масалан, кварц, корунд ва х.к) Моос бo’йича қаттиқлиги 6-10; o’ртача (кo’мир, оҳак) 2-5; юмшоқ (талк,гипс) 1-2 Моос бo’йича қаттиқликка эга рудалар киради.
Майдалаш даражаси, майдалаш босқичларива майдалаш усуллари
Майдалаш деб руда бo’лаклари o’лчамини ташқи куч таъсирида кичрайтиришга айтилади. Майдалаш жараёни майдалаш даражаси билан характерланади. Майдалаш даражаси деб, майдалаш натижасида руда бo’лакларининг o’лчами неча марта тичрайишини кo’рсатувчи катталикта айтилади.
i = D mаx/d mаx
бу ерда: D mаx - дастлабки руда таркибидаги энг катта бo’лакнинг o’лчами, мм;
d mаx - майдаланган маҳсулот таркибидаги энг катта бo’лакнинг o’лчами, мм.
Бойитиш Фабрикаларида рудаларни майдалаш одатда бир неча босқичда амалга оширилади, чунки битта майдалагичда керакли майдалаш даражасига эришиш мумкин эмас. Масалан, рангли ва қора металлар рудаларининг кo’пчилиги учун 3 босқичда майдалаш ишлатилади.
1 - боскич. Йирик майдалаш - 1500 - 1000 мм дан 300 мм гача.
2 - боскич. O’ртача майдалаш - 300 мм дан 75 мм гача.
3 - боскич. Майда майдалаш - 75 мм дан 10-15 мм гача.
Умумий майдалаш даражаси алоҳида босқичларда олинган майдалаш даражаларининг кo’пайтмасига тенг:
i_ум = i_йир∙ i_o’рта∙ i_майда
Масалан, йирик майдалаш учун i _йир = 1500/300 = 5;
o’ртача майдалаш учун i_o’рта = 300/75 = 4;
майда майдалаш учун i_майда = 75/15 = 5.
Умумий майдалаш даражаси i_ум = 5 ∙ 4 ∙ 5 = 100
Ҳар қайси майдалаш босқичидан олдин дастлабки руданинг тартибидан ғалвирлаш орқали o’лчами шу босқичдаги майдаланган махсулот o’лчамига тенг майда синф ажратиб олинади. Майда маҳсулотни ажратиб олиш ҳисобига майдалагичга бериладиган ют қисқаради, унинг ишлаб чиқариш унумдорлиги ортади, электр энергия сарфи камаяди,шунингдек,руданинг o’та янчилишининг олди олинади.
Юмшоқ рудалар икки босқичда, o’ртача қаттиқликдаги рудалар 3 босқичда, қаттиқ рудалар эса 4 босқичда майдаланади. Руда қанча қаттиқ ва мустаҳкам бo’лса, ички тортилиш кучларини енгиш учун шунча кo’п куч талаб қилинади. Майдалашда минерал заррача юзасининг очилиши руда бo’лакларининг ташқи куч таъсирида парчаланиши натижасида содир бo’лади. Руда бo’лакларини парчалаш учун алоҳида кристаллар орасидаги ва кристаллар ичидаги тортишиш кучини енгиш керак. Бу руданинг мустаҳкамлигини белгилайди. Бундан ташқари руданинг мустаҳкамлиги унинг тузилишидаги ички нуқсонлар (дарз, бегона нарсалар) га ҳам боғлик.
Руданинг хоссаси (мустаҳкамлик, мo’ртлит, қовушқоқлик ва бошқалар) га қараб парчаланишнинг қуйидаги усуллари ишлатилиши мумкин.Эзилиш - иккита майдаловчи юза орасида руда бo’лакларининг сиқилиши натижасида парчаланиш.
Узилиш - руда бo’лакларини майдаловчи жисмнинг учлари (тиғлари) орасида узилиб бo’линиши.
Зарба - руда бo’лакларини қисқа таъсир этувчи динамик ют таъсирида парчаланиши. Ишқаланиш - руда бo’лакларини бир - бирига қарама - қарши харакатланувчи майдаловчи юза орасида парчаланиши (19-расм).

19-расм. Жисмни керакли o’лчамгача майдалаш
а) эзилиш, б) узилиш, в) , г) кесиш, е) ишқаланиш, ж) сиқиқ зарба,
з) эркин зарба