1-mavzu. Kirish. Mustaqil O’zbekiston: rivojlanish yo’nalishlari va muammolari. Fanning predmeti, tadqiqot doirasi, maqsadi va vazifalari Reja

1-mavzu. Kirish. Mustaqil O’zbekiston: rivojlanish

yo’nalishlari va muammolari. Fanning predmeti, tadqiqot doirasi,

maqsadi va vazifalari

Reja:

1.Ilm-fan tushunchasi

2.Fanning klassifikatsiyasi

3.O’zbekistonda fanning rivojlanish yo’nalishlari

Mavzuga oid tayanch tushuncha va iboralar: «Fan» tushunchasi, fan klassifikatsiya, fan tarixi, Dekandol, zamonaviy fan, ijtimoiy institutlar.

1.Ilm-fan tushunchasi

Hozirgi zamon tarixini va fan negizini tushunish uchun yirik bazaviy mutaxassislik tajribasiga ega bo’lgan soha egalarini tayyorlashga bog’liqdir. Birinchi prezidentimiz I. Karimov aytganlaridek, «Ilm-fan – jamiyatni olg’a yurituvchi kuch» bo’lib hisoblanadi. «Ilm-fan» o’zi nima? «Ilm-fan» - bu ko’p qirrali, shu bilan birga, bir butun ma’lumotki, uning tarkibi alohida-alohida gumanitar va aniq fanlarning o’zaro jipsligidan iboratdir.

Fanimizning maqsadini quyidagi ko’rinishga ega ekanligini anglashimiz zarur:

- fan rivojini tarixiy xarakterini va ilmiy bilimlar majmuasini ko’rsatish;

- ilmiy tadqiqotlarni o’zgarishi va dunyoning rivojlanishini o’rganishda ilmiy inqiloblarning ahamiyatini ko’rsatish;

- zamonaviy, dunyoviy va vatan tarixiga oid fanlar rivojini ko’rsatish.

Fan - yuqori malakali mutaxassislar tayyorlovchi va ulardan foydalanuvchi, ilg’or pedagogik va axborot texnologiyalarini ishlab chiqaruvchi sohadir.

«Fan» - tadqiqot faoliyati sohasi bo’lib, tabiat, jamiyat va tafakkur haqidagi yangi bilimlar hosil qilishga qaratilgandir.