SEYISTON, QANDAHOR VA AFG‘ONISTON MAMLAKATLARINI ZABT ETISH HAQIDAGI KENGASHIM
Xuroson mamlakati bo‘ysundirilgandan keyin amirlarim yuqorida eslatilgan uch mamlakatga lashkar yuboraylik, deb maslahat berdilar. Men dedimki: «Agar lashkarlarning o‘zi bilangina ish bitmasa-chi? Unda o‘zim borishim kerak bo‘ladi. Mening esa mo‘ljallab qo‘ygan boshqa ishlarim ko‘p».
Maslahatni shunday deb bildimki, o‘sha diyorlar hokimlarini o‘zimga og‘dirib olish uchun: «Agar menga qo‘shilsanglar (qutulasizlar), kurashsanglar yiqilasizlar. U holda taqdiringizda nima bo‘lsa, o‘shani ko‘rasizlar», — degan mazmunda yorlig‘lar yo‘lladim. Bu tadbirim taqdirga to‘g‘ri keldi. Yorlig‘larim ularga yetishi bilanoq itoat boshlarini bo‘ysunish maqomiga qo‘ydilar.
Do'stlaringiz bilan baham: |