1-mavzu. Iqtisodiyotda inqiroz va uning mohiyati Reja

Ҳисоб мақсади. Молиявий ҳисоб – бу расмий ҳисоб бўлиб уни юритиш барча корхона ва ташкилотлар учун мажбурийдир. Молиявий ҳисоб ҳужжатлари маҳаллий солиқ идоралари ва статистика бошқармаларига тақдим этилади. Улар аудиторлик текшируви обектлари ҳисобланади, эълон қилиниши мажбурийдир.
Бошқарув ҳисоби – бу бошқарув қарорларини қабул қилиш, ишлаб чиқаришни ўзгараётган шароитларини тез эътиборга олиш учун корхона раҳбариятига ва мутахассисларига зарур бўладиган ҳисоб бўлиб, унинг маълумотлари тижорат сири бўлиб ҳисобланади.
Ахборот манбаалари. Молиявий ҳисоб учун фақат ташкилот ҳисоб тизимининг маълумотлари ва солиққа тортиш тизимининг элементлари ахборот манбаи бўлиб ҳисобланади.
Бошқарув ҳисоби учун корхона ҳисоб тизими маълумотларидан ташқари моддий ресурсларни сарфлаш, технологик чиқитнинг меъёрлари, бозордаги вазиятни ўрганиш, илмий тадқиқотларни ўтказиш тўғрисидаги ҳисоботлар, уларнинг натижаларидан ишлаб чиқаришнинг мавжуд шароитларида фойдаланиш имкониятлари, томонлар хўжалик шартномаларини бажармаган тақдирда бериладиган жарима чоралари ва бошқалар ахборот манбаи бўлади.
Ҳисоб натижаларидан фойдаланувчилар. Молиявий ҳисобни баъзан ташқи ҳисоб дейилади ва унинг натижалари одатда эълон қилинади. Бундан ташқари ҳисоботларда фақат молиявий ахборотлар эмас корхона фаолияти ютуқларини, унинг янги маҳсулотларини кўрсатадиган реклама тусидаги маълумотлар ҳам бўлади. Бу ахборот корхонанинг аксиядорларига, облигациялар ва бошқа қимматли қоғозларни ушлаб турувчиларга ва бўлажак инвесторларга зарурдир.
Бошқарув ҳисобини ички ҳисоб дейиш мумкин. Унинг натижаларидан фақат корхона ҳодимлари фойдаланади.
Ҳисобот ахборотини тақдим этиш шакллари. Молиявий ахборот солиқ органларига Қонунда белгиланган шакллар бўйича тақдим этилади. Бошқарув ҳисоби натижалари исталган шаклда тақдим этилиши мумкин. Мажбурий шакллар ва бланкалар мавжуд эмас. Бундан ташқари бошқарув ҳисоби ахборотларини юритиш ёки юритмасликни корхона раҳбариятининг ўзи ҳал қилади.