1-mavzu. Iqtisodiyot nazariyasi fanining predmeti va bilish usullari

Ishlab chiqarish omillarining turkumlanishi
«Kapital» ham qiymatga, ham naflilikka ega boʻlgan, ishlab chiqarish va xizmat 
koʻrsatish jarayonida foydalaniladigan, yollanma mehnat (ishchi kuchi) tomonidan harakatga 
keltiriladigan vositalardir. 
Hamma adabiyotlarda yerga deyarli bir xil tushuncha beriladi, ya’ni yer deganda 
tuproqning unumli qatlami, oʻtloqlar, yaylovlar, suv, havo, oʻrmon, qazilma boyliklar, umuman 
tabiiy resurslar tushuniladi. 
Bozor iqtisodiyoti sharoitida katta e’tibor beriladigan omillardan biri tadbirkorlik 
qobiliyatidir. Tadbirkor deb iqtisodiy resurslar, ya’ni ishlab chiqarish vositalari va ishchi kuchi 
resurslarining, tabiiy resurslarning bir-biriga qoʻshilishini ta’minlaydigan, tashkilotchi, 
yangilikka intiluvchi, tashabbuskor, iqtisodiy va boshqa xavfdan, javobgarlikdan qoʻrqmaydigan 
kishilarga aytiladi; bu xislatlar majmui esa tadbirkorlik qobiliyati deb yuritiladi. Ishlab chiqarish omillari 
Ishchi kuchi Tadbirkorlik Yer qobiliyati Kapital 
2. Ishlab chiqarish jarayonining mazmuni.

---

Ishlab chiqarish jarayoni – bu kishilik jamiyatining amal qilishi va rivojlanishi uchun 
zarur boʻlgan moddiy va ma’naviy ne’matlarni yaratishga qaratilgan maqsadga muvofiq 
faoliyatdir. Moddiy va ma’naviy ne’matlar yaratish, turli xizmatlar koʻrsatish jarayoni kishilar 
iqtisodiy faoliyatining asosiy tomonidir. 
Ma’lumki, har qanday ishlab chiqarish, birinchi navbatda, mehnat jarayonidir yoki 
boshqacha qilib aytganda, tabiatdagi bor narsalarning koʻrinishini oʻzining iste’moli uchun 
muvofiq holga keltirish uchun qilingan mehnat faoliyatidan iboratdir. 
Ishlab chiqarishning 
tarkibiy tuzilishi 
muhim ahamiyat kasb etib, u turli sohalar, 
boʻlinmalar, yaratilayotgan mahsulotlar va koʻrsatilayotgan xizmatlar turlarini ifodalaydi. Eng 
avvalo, ishlab chiqarishni