1-мавзу: Инновацион – таълимий (педагогик) фаолияг мохияти, унинг асосий тавсифи Режа

1-мавзу: Инновацион – таълимий (педагогик) фаолияг мохияти, унинг асосий тавсифи
Режа:

1. 
   Педагогик янгиликлар киритишни амалга ошириш ва унинг мохияти
   
2. 
   Педагогик таълим инновацион кластери: эҳтиёж, зарурат, натижа
   
3. 
   Педагогик таҳлилнинг асосий объектлари.
   
4. 
   Педагогика таълим соҳасини ривожлантиришнинг устувор йўналишлари
   

1. Педагогик янгиликларни киритишни амалга ошириш ва унинг мохияти.


Ўзбекистон Республикаси Президентининг 2018 йил 5 сентябрда “Халқ таълимини бошқариш тизимини такомиллаштириш бўйича қўшимча чора-тадбирлар тўғрисида”ги Фармони қабул қилинди.
 I. Фармонни қабул қилиш зарурати (муаммо ва камчиликлар).
Биринчидан, жойларда умумий ўрта ва мактабдан ташқари таълим соҳасида давлат сиёсатини амалга ошириш, умумтаълим муассасалари раҳбарларини танлаш ва жой-жойига қўйиш масалаларини ҳал этиш, идоравий мансуб ташкилотларнинг мулкидан самарали фойдаланишда халқ таълими бошқарув органлари ролининг етарли даражада эмаслиги;
  Иккинчидан, раҳбарлар, ўқитувчилар ва умумтаълим муассасалари бошқа ходимларининг касбий фаолиятига асоссиз равишда аралашувдан ҳимоя қилиш механизмларининг самарасизлиги, назорат қилувчи ва бошқа давлат органлари томонидан мактабларни текшириш ҳаддан зиёд кўпайиб кетганлиги;
  Учинчидан, таълим сифатини таъминлаш, ўқитувчиларнинг билим даражасини ва педагогик маҳоратини ошириш масалаларида умумтаълим муассасалари фаолиятидаги очиқлик ва шаффофлик даражасининг етарли даражада эмаслиги, ўқув-тарбия жараёни устидан самарали жамоатчилик назоратининг мавжуд эмаслиги.
II.Фармоннинг мақсади: Ўқув-тарбия жараёнига бошқарувнинг янги механизмларини ва сифат стандартларини жорий этиш, жамиятда ўқитувчи касбининг нуфузини ошириш, умумтаълим муассасаларининг моддий-техник ҳолатини яхшилаш орқали халқ таълими тизимини янада такомиллаштириш Фармоннинг мақсади ҳисобланади.