1-мавзу. Информатикани ўқитиш технологиялари ва лойиҳалаштириш курсига кириш. Машғулот тури

 
 
 

---

2-асосий савол бўйича дарснинг мақсади:
КУРСНИНГ ЎҚУВ-МЕТОДИК, ДАСТУРИЙ, ТАШКИЛИЙ ВА 
ТЕХНИК ТАЪМИНОТЛАРИ МАЗМУНИНИ ТАЛАБАЛАРГА 
ТУШУНТИРИШ. 
Идентив ўқув мақсадлари: 
2.1. Талабалар ИЎТваЛ курсининг ўқув – методик, дастурий, ташкилий ва
техник таъминотлари мазмунини ажрата олади.
2.2. Курснинг барча таъминотлари таркибини тавсифлаб бера олади. 
 
2– асосий саволларнинг баёни: 
ИЎТваЛ курсига информатика ўқув предметини ўқитиш учун ўқув-
методик, дастурий, ташкилий ва техник таъминотни тадқиқ этиш ҳамда ишлаб 
чиқиш билан шуғулланадиган, педагогика ва информатика фанларининг бир 
шоҳобчаси сифатида қараш мумкин. 
Ўқув – методик таъминот ўқув дастурлари, дарсликлар, ўқув ва 
услубий қўлланмаларни, шу жумладан, уларнинг электрон кўринишдаги 
версияларини ўз ичига олади. 
Ўқув – методик таъминот таркибига даврий нашрлардаги, Олий ва ўрта 
махсус таълим ва Халқ таълими вазирликлари нашрларидаги услубий 
материалларни ва меъёрий ҳужжатларни киритиш мумкин. 
Қабул қилинган ўқув – услубий адабиётларнинг янги авлодини яратиш 
концепсияси, анъанавий материалларидан фойдаланишдан ташқари, қуйидаги 
электрон ўқув – услубий материалларни ишлаб чиқишни ва ўқув – тарбия 
жараёнига жорий этишни ҳам назарда тутади: 
- электрон маълумотномалар; 
- электрон ўқув қўлланмалар ; 
- электрон дарсликлар; 
- электрон энциклопедиялар ва ҳ.к. 
Дастурий таъминот соҳасида информатика ўқитиш услубиёти янги 
дастурий маҳсулотни ишлаб чиқишни, муайян дастурий маҳсулотдан 
фойдаланиш мақсадга мувофиқлигини асослаб беради. Информатика 
курсининг дастурий таъминоти компьютерларнинг баъзавий(таянч) дастурий 
таъминоти ва информатика курсининг маълум бир мавзуларини ўрганишга 
ёрдам берадиган педагогик дастурий воситалар (ПДВ) комплексидан ташкил 
топади.