1-мавзу: «иионинг жамо¬ат тартибини саќлаш ва жамоат хавфсизлигини таъмин¬лаш фаолияти¬ни бош¬ќариш» ўќув курси¬нинг пред¬мети, вазифаси ва тузилиши

ВСҲлардан жиноятни содир этишда гумон қилиниб ушлан-
ган ва қамоққа олинган шахсларни озод этиш асослари ҳамда 
тартиби.
Жиноятлар содир этишда гумон қилинувчи ва айбланувчи 
шахсларни ВСҲ бошлиғи (навбатчиси) озод қилади. Бу суриштирув 
ўтказувчи шахснинг (суриштирув органининг бошлиғи тасдиқлаган), 
терговчи, прокурорнинг қарори ёхуд суднинг ҳукми ёки ажрими 
билан амалга оширилади.
Қамоқдан бўшатиш ҳақидаги қарор, ҳукм ёки ажрим улар ВСҲга 
келиб тушганидан сўнг дарҳол ижро этилади. Бунда озод қилинган 
шахсларга тегишли нарсалар, бойликлар, ҳужжатлар ва пуллар 
эгаларига тилхат олиб қайтарилади. Зарур бўлган ҳолларда ВСҲдан 
озод қилинган шахслар турар жойига етиб олишлари учун бепул 
чипта ва пул билан таъминланадилар. Бундай шахсларнинг илтимоси-
га кўра, ВСҲда бўлган вақти ҳақида маълумотнома берилиши 
мумкин. Бунда ВСҲ бошлиғи гумон қилинувчи ёки айбланувчи 
қамоқда сақланиш муддати тугаши билан камида 
24 соат
аввал бу 
ҳақда жиноят ишини юритаётган орган ёки шахс, шунингдек, 
прокурорга хабар бериши шарт эканлиги назарда тутилади. 
Сақланаётган шахснинг ушлаб туриш муддати тугаётгани 
тўғрисида ВСҲ бошлиғи ёки навбатчиси тергов ҳаракатларини олиб 
бораётган идораларга бу ҳақда олдиндан, камида 12 соат қолганда 
хабар беради ва ушлаб туриш муддати тугаши билан қамоқда сақлаб 
турилган шахсни агар унга нисбатан эҳтиёт чораси сифатида қамоққа 
олиш чораларини қўллаш тўғрисидаги суднинг ажрими олинмаган 
бўлса, озод этади. 
Прокурор, терговчи ёки тергов ишларини олиб бораётган ходим-
ларга сақлаб турилган шахснинг озод қилинганлиги тўғрисида ёзма 
равишда маълум қилади ва баённома тузади. 
Суднинг қамоқдан озод этиш тўғрисида чиқарган ҳукми суд 
залини ўзида дарҳол ижро этилади. Ушланган ва қамоққа олинган 
шахсдан олиб қўйилган ҳужжат, қимматбаҳо буюм ва нарсалар, 
шунингдек, шахсий ҳисоб рақамидаги пуллар ВСҲ маъмурияти 
томонидан озод этилаётган вақтда қайтарилади. 
ВСҲдан озод этилаётган вақтида касал бўлиб қолган ушланган 
ёки қамоққа олинган шахс даволаш муассасасига жойлаштирилади, 
унинг нарса, буюмлари қариндошларига ёки даволашга ётқизилган 
даволаш муассасаларига юборилади. 

---

195