1-mavzu: gimnastikaning nazariy bilim, amaliy-tеxnik malaka va ko‘nikmasi asoslarini o‘zlashtirish

To‘sin(brevno) ustida mashqlar bajarish

Qizlar yakka cho‘p ustida bir necha mashqlarni bajarishlari mumkin. Yurish, aylanish, bir va ikki oyoqda o‘tirib-turish, bir oyoqda turib „Qaldirg‘och“ mashqini bajarish va boshqalar. Bu mashqni nafaqat qizlar, balki o‘g‘il bolalar ham bajarsalar maqsadga muvofiq bo‘ladi.

To‘sin ustida ko‘p mashq qilinganda, kishidagi harakat koordinatsiyasi (harakatlarning o‘zaro moslashishi) hamda muvozanatni saqlash sezgisi yaxshi rivojlanadi. Bundan tashqari, tor joylardan o‘tganingizda, balandlikka chiqib, pastlikka tushganingizda ham boshingiz aylanmaydigan bo‘ladi.

Avvalo, ushbu mashqlarni tekis joylarda, ingichka xoda, yog‘och ustida, keyinroq gimnastika o‘rindig‘ida bajarilib, so‘ng yakka cho‘pda mashq qilinsa, natija ko‘ngildagidek bo‘ladi.

To‘sin ustida, gimnastik o‘rindiq ustida yurganda oyoq uchlarini tortib, tovonni asta bosib o‘tiladi. To‘sin ustida quyidagi mashqlar qilinadi: qo‘llar yonga yozilib muvozanat saqlash, oyoq uchida aylanish va burilish, chapga aylanish oldidan chap oyoqni o‘ng oyoqning oldiga qo‘yib, oyoq uchida turib, 180° aylanish va boshqalar. Bulardan tashqari, orqaga o‘ng oyoqni qo‘yib, o‘ng tomonga aylanish, yakka cho‘p ustida ikki kishi uchrashib qolsa, o‘zaro yordam qilib muvozanatni saqlab qolishga harakat qilish o‘rganiladi. Buning uchun uchrashganlar o‘ng oyoq bilan bir qadam oldinga chiqib, sherigining yelkasidan ushlab, chap tomonga burilib, yuzma-yuz turib joy almashinadi. Nihoyat, yakka cho‘p ustidan oyoq uchlarida tizzalarni bukib, sakrab tushiladi.

3. 
   „Dastali ot“ ustidan sakrash.