1-mavzu: farmatsevtika tizimini boshqarishda menejment asoslari

Tashkiliy-farmoyish usullar yuqori pog‘onaning quyi pog‘onaga to‘g‘ridan- to‘g‘ri ta’sir o‘tkazishini ifodalaydi, ular yordamida boshqaruv ob’yektining tarkibiy tuzilishi va faoliyatining tartib-qoidalari belgilanadi. Bu usullar boshqaruv tizimida muhim o‘rin egallab, ular quyidagi chora-tadbirlar asosida amalga oshadi:

• boshqaruv apparatining muayyan tizimini tuzish;
• har bir boshqaruv bo‘g‘inining funksiyalarini belgilash;
• kadrlarni to‘g‘ri tanlash, joy-joyiga qo‘yish;
• bo‘limlar va xodimlarning huquq, burch va javobgarliklarini belgilash;
• vakolatlarni to‘g‘ri taqsimlash:
• buyruq, farmoyish, ko‘rsatma, nizom va yo‘riqnomalar chiqarish, ularning bajarilishini ta’minlash;

topshiriqlar va direktiv ko‘rsatmalarni bajarmayotgan bo‘linma va shaxslarga nisbatan choralar ko‘rish.

Tashkiliy ta’sir o‘tkazish shakllarini amalga oshirish yo‘llari
3. Ijtimoiy-psixologik usullarning asosiy maqsadi jamoalarda sog‘lom ijtimoiy-ruhiy muhitni yaratishdir. Bu usul ijtimoiy-ma’naviy vaziyatga ta’sir etish yo‘li bilan xodimlarning fe’l-atvori, ruhiyatini hisobga olgan holda boshqarishni bildiradi. Bu usullar ishlab chiqarish jamoalarini, ulardagi “psixologik iqlimni”, har bir xodimning shaxsiy xususiyatlarini o‘rganishga asoslangan.
Ijtimoiy-psixologik usullar quyidagi masalalarni hal etishga qaratilgan;
-Xodimlarning dunyoqarashlari, fe’l-atvorlari, qobiliyatlari, manfaatlari kabi ijtimoiy-psixologik xususiyatlarini hisobga olgan holda jamoalarni shakllantirish.
Buning natijasida jamoada hamkorlik va hamjihatlik ruhida ishlash uchun qulay shart-sharoitlar yaratiladi.
- Jamoada tashkiliy madaniyatni shakllantirish, tashkilot qadriyatlari tizimi, namunali an’analar va urf -odatlarni joriy qilish.
- Xodimlarda ijtimoiy rivojlanishni, yangiliklarga intilishni va tashabbusni rag‘batlantirish, ularning umumiy bilim va malaka darajasining ortishini ta’minlaydi.
- Xodimlarning madaniy va maishiy ehtiyojlarini qondirish, ya’ni uy-joy sharoiti, farzandlarining bog‘chalarga joylashganligi, davolanish, dam olish va sport bilan shug‘ullanishga bo‘lgan talabning qondirish imkoniyatlari.
- Xodimlarning o‘z mehnat faoliyatlaridan, tanlangan mutaxassisligi va kasbidan qoniqishlari uchun shart-sharoitlarni vujudga keltirish.