1-mavzu. Falsafaning predmeti, mazmuni va jamiyatdagi roli. Reja falsafa, uning jamiyat hayotidagi o‘rni va maqsadi

1-MAVZU. FALSAFANING PREDMETI, MAZMUNI VA JAMIYATDAGI ROLI.

REJA

1. Falsafa, uning jamiyat hayotidagi o‘rni va maqsadi.

2. Falsafaning predmeti, ilmiy muammolari va vazifalari.

3. Dunyoqarash tushunchasi. Dunyoqarashning tarixiy tiplari.

Mavzu bo‘yicha o‘rganiladigan asosiy tayanch iboralar.

• Falsafa atamasi – yunoncha phileo – sevaman, Sophia – donolik degan ma'noni anglatadi.
• Falsafa fani - Insoniyat tarixidagi eng qadimiy ilmlardan biri. Olam va uning yashashi, rivojlanishi va taraqqiyoti, hayot va inson, umrning mohiyati, borlik va yo`qlik kabi ko`plab muammolar hakida baxs yuritadigan fan.
• Dunyoqarash – Inson o`zini va dunyoni zaruriy ravishda anglashi, unga baxo berishi, xulosa chiqarishi bo`lib, dunyoni inson ongidagi o`ziga xos in'ikosidir. Insonning o`ziga va uni qurshab turgan borlikka bo`lgan munosabatlarini ifodalaydigan ko`nikmalari, malakalari, bilimlari hamda dunyoni amaliy va nazariy o`zlashtirishidir.
• Mif – yunoncha mifhos so`zidan olingan bo`lib, afsona, rivoyat, hikoyat kabi ma'nolarini anglatadi. Qadimgi davr kishilari ongi va tushunchasida inson, tabiat, jamiyat va koinotning paydo bo`lishi bilan bog`lik voqealar, shuningdek, tabiat va jamiyat hodisalarining aks etishidir.
• Mifologik dunyoqarash – Ijtimoiy taraqqiyotning boshlang`ich bosqichlariga xos bo`lib, dunyoni tushunishning oddiy usuli, xayoliy in'ikosidir.
• Din – arabcha-ishonch, ishonmok demakdir. Borlikni yaratuvchi va boshqaruvchi, adolatning yuksak namunasi, moddiy olamga xos bo`lmagan va ayni vaqtda barkamollikning oliy ko`rinishi sifatida tushuniluvchi oliy mavjudotga, ya'ni Xudoga nisbatan munosabat, tasavvur, urf-odat va marosimlar majmuidir.
• Diniy dunyoqarash – Olamdagi voqea va hodisalar sabablarini ilohiy kuchlar, oldindan belgilangan maqsadlar bilan bog`lab tushunishdir