1-Мавзу: электр таъминоти қурилмаларини ишлатиш қоидалари

1-Мавзу: ЭЛЕКТР ТАЪМИНОТИ ҚУРИЛМАЛАРИНИ

ИШЛАТИШ ҚОИДАЛАРИ

Режа:
1. Электр ускуналарини ишлатишдаги умумий талаблар.
2. Ходимларга талаблар.
3. Тезкор хизмат кўрсатиш ва ишларни бажариш.
4. Электр ускуналарида иш бажариш тартиби.


1.1. Электр ускуналарини ишлатишдаги умумий
талаблар
1.1.1. Электр таъминоти тизимида ишлаб турган электростанциялар, электр ва иссиқлик тармоқлари, иссиклик автоматикаси ва ўлчови қурилмалари, диспетчерлик ва технологик бошқарув воситалари, район қозонхоналари, Энергетика ва Электрлаштириш Вазирлигининг энерготаъмирлаш корхоналарининг электр ускуналарида, ҳамда уй-жой ва маиший хизмат хўжалиги қорхоналарининг электр тармоқларига хизмат кўрсатишда ва уларда эксплуатация, таъмирлаш, қурилиш монтаж ва созлаш ишларини бажаришда хавфсизлик технкаси қоидаларига риоя қилиш зарур.
Ишлаб турган электр ускуналарида иш бажариш учун ихтисослашган ва бошқа қурилиш–монтаж ташкилотлари ходимларига ишлашга ижозат беришда хавфсизлик техникаси талаблари бажарилиши керак.
1.1.2. Электр ускуналарини ишлатишда хавфсизлик техникаси қоидаларига ўзгартириш ва қўшимчаларни фақат уни тасдиқлаган ташкилот киритиши мумкин.
1.1.3. Ушбу Қоидага мувофиқ иш жараёнида фойдаланиладиган ҳимоя воситалари Давлат ягона нусхаси талабларига ҳамда "Электр ускуналарида фойдаланиладиган ҳимоя воситаларини қўллаш ва синаш қоидаси" га жавоб бериши шарт.
1.1.4. Ишларни бажаришда қулланиладиган механизмлар ва юк кўтариш машиналари, компрессор ва ҳаво йиғувчи қурилмалар, асбоб ва мосламалар синалган бўлиши ва меҳнат хавфсизлиги ягона
нусхаси талабларига, Ўзбекистон Республикаси Давлат тоғ-кон техникаси назорати қоидаларига ва "Асбоб ва мосламалар ёрдами билан иш бажаришда хавфсизлик қоидалари" га шунингдек ишлаб чиқарган завод йуриқномаси талабларига мувофиқ ишлатилиши керак.
1.1.5. Ишлаб турган электр ускуналарида қурилиш ва монтаж ишларини бажараётганда қурилиш меъёри ва Қоидалари талабларига, яъни "Қурилишда техника хавфсизлиги" қоидси СНиП 111- 4- 80 га риоя қилиш шарт.
1.1.6. Қоида ҳамма учун мажбурийдир. Ишчи ва хизматчилар меҳнатини муҳофаза қилиш йуриқномаси ушбу Қоидага мувофиқлаштирилиши керак.
Ҳар бир ходим Қоида талабларига зид булган чекиниш ёки Қоида талабини бажармасликни ва электр ускуналаридаги инсон ҳаёти учун хавф туғдирувчи носозликни, иш олиб бориш жараёнида ишлатиладиган машина, механизм, асбоб, мослама ва ҳимоя воситаларидаги бузилишни бартараф этиш чорасини кўраолмаса, зудлик билан юқори раҳбариятга бу ҳақда хабар бериши шарт.
Ушбу Қоидага зид келадиган фармойиш ва топшириқларни бажариш ман қилинади.