1-mavzu. Dinshunoslik faniga kirish reja

DIN ANTROPOLOGIYASI.

Dinlarning inson bilan aloqasining turli jabhalarini o‘rganuvchi soha. U din psixologiyasi va sotsiologiyasi bilan chambarchas bog‘liqdir. Uning asosi qadimgi miflarga borib taqaladi. Jumladan, barcha dinlar va diniy tasavvurlarda birinchi odamning paydo bo‘lishi Xudo yoki xudolar tomonidan yaratilish g‘oyasi bilan bog‘lanadi.

Din tushunchasiga olimlar tomonidan yuzlab ta’riflar berilgan. Bunda, turli soxa va dunyoqarash egalari, o‘z soxalari va qarashlaridan kelib chiqib dinga ta’rif berishgan. Shu tufayli turfa xil ta’riflar yuzaga kelgan. QUYIDA ULARNING BA’ZILARINI KELTIRIB O‘TAMIZ:

• «Din, insonning muqaddas deb bilgan narsalariga nisbatan munosabatidir». Rudolf Otto.
• «Din, ruhiy borliqlarga nisbatan ishonchdir». Edvard Teylor.

• «Din, insonning abadiyatni anglashini ta’minlovchi, aql va mantiqqa tobe’ bo‘lmagan zehniy malaka yoki iqtidordir» Maks Myuller.
• «Din, malakalarimizni erkin holda qo‘llashni to‘suvchi ta’qiqlar majmuasidir» Salmon Reynax.

• «Din, eng buyuk ijtimoiy qadriyatlar shuuridir» Edvard S. Amis.
• «Din, muayyan jamoatning vujudga kelishini ta’minlovchi marosim va e’tiqodlar majmuidir». Emil Dyurkgeym.
• «Din, e’tiqodlar, xatti-harakatlar va ijtimoiy hayotning muayyan shartlariga ko‘ra tashkil etilgan muassasalar tizimidir» Vitold Taylok.