1-мавзу. ”Чорвачиликда ишлаб чиқаришни ташкил этиш” фанининг предмети, мақсади, вазифалари ва ўрганиш усуллари

1-мавзу. ”Чорвачиликда ишлаб чиқаришни ташкил этиш” фанининг предмети, мақсади, вазифалари ва ўрганиш усуллари.

1

• Фанининг предмети, вазифалари ва услуби.

2

• Чорвачиликда ишлаб чиқаришни ташкил этишнинг қонуниятлари.

3

• Чорвачиликда ишлаб чиқаришни ташкил этишнинг тамойиллари.

Маърузачи: и.ф.н., доц. К.К. БУСТОНОВ

Чорвачиликда ишлаб чиқаришни ташкил этиш бу - чорвачилик тормоқлари ва агросаноат тизимининг бошқа соҳадаги ташкилотлар билан ўзаро муносабатида самарали фаолият кўрсатиши қонуниятлари, тамойиллари, хўжаликни юритиш тизимининг оқилона ташкил этилиши ва жорий этиш қонуниятлари ҳамда қоидаларини очиб берадиган ва илмий асослайдиган фандир.

Чорвачиликда ишлаб чиқаришни ташкил этиш фанининг предмети эса чорвачилик тармоқларида ишлаб чиқаришнинг илғор тажрибалари ва илмий асосда ташкил этилиши масалаларидан иборатдир.

“Чорвачиликда ишлаб чиқаришни ташкил этиш” фанининг вазифалари - чорвачиликка доир тадқиқотлар, тажрибаларни умумлаштириш асосида, мавжуд қонуниятлар ва тамойилларга мувофиқ чорвачилик тармоқларининг оқилона, энг самарали ва мақбул тузилиши бўйича илмий қоидалар ва амалий тавсияларни ишлаб чиқишдан иборатдир.

Умуман, қайси соҳа ёки тармоқ бўлмасин ишлаб чиқаришни ташкил этишнинг вазифалари, қуйидагилардан иборат:

• ишлаб чиқаришнинг мақсади ва вазифаларини аниқлаш;
• белгиланган вазифаларни бажариш учун меҳнат жамоаларини шакллантириш;
• ишлаб чиқариш режалари, шартномалар шартларини ишлаб чиқиш;
• меҳнат тақсимоти ва меҳнат кооперацияси шаклини танлаш;
• ишловчиларни ишлаб чиқариш воситалари билан таъминлашни ташкил этиш;
• маҳсулотлар етиштириш технологиясини ишлаб чиқиш;
• меҳнат усуллари ва шаклларини илмий асослаш, ишловчи ўринларини оқилона ташкил этиш;
• ишловчиларни моддий рағбатлантиришнинг самарали тизимини танлаш;
• ишлаб чиқариш топшириқлари, шартномалар шартларининг бажарилиши бўйича назорат тизимини ўрнатиш ва ҳоказо.