1-mavzu. «Budjet hisoboti» fanining predmeti va metodi

G’aznachilik axborot tizimining dasturiy ta’minoti – bu g’aznachilik axborot tizimidagi hisoblash jarayonlarini samarali tashkil qilish uchun zarur bo’lgan dasturlar majmuasidan iboratdir. G’aznachilik axborot tizimining dasturiy ta’minoti ko’plab o’zaro bog’liq bo’lgan modullar va quyi tizimlarning dasturiy majmuasidan tashkil topgan bo’lib, u davlat budjetining daromad tushumlari va xarajatlarini hisobga olish, hisobotlarni tayyorlash, budjet tasnifi bo’yicha har kunlik ma’lumotlarni kiritish, saqlash, qayta ishlash, budjet ijrosiga oid bo’lgan normativ ko’rsatkichlarning bajarilishini tartibga solib turish kabi budjet ijrosi jarayonlarini to’liq avtomatlashtirishga qaratilgan dasturiy majmualardan iborat bo’ladi.

G’aznachilik axborot tizimi dasturlar kompleksining tarkibiga quyidagi vazifalar kiradi:

- budjet loyihasini tuzish; budjet daromadlari va xarajatlari yoyilmasini tuzish;

- qo’shimcha yoyilmani tuzish;

- yoyilmani aniqlashtirish va budjet yoyilmasi asosida moliyalashtirish rejasini tuzish va aniqlashtirish;

- budjet belgilanishlarining o’zgarishlari to’g’risidagi bildirish-ma’lumotnomasini tuzish;

- xarajatlarni to’lash uchun topshiriqnomalarni tuzish;

- xarajatlarni to’lash uchun jamlama reestr topshiriqnomalarini tuzish;

- memorial orderlarni tuzish; moliyaviy jarayonlarning natijalari bo’yicha bosh kitoblar;

- har xil qismlardagi bevosita hisobotning o’zini tayyorlash;

- budjet asosiy parametrlari bo’yicha prognozlash va quyi budjetlarga budjet parametrlarini etkazish;

- g’aznachilik organlarining buxgalteriya hisoboti bo’yicha asosiy va yordamchi kitoblarini kiritish; -

- moliyalashtirish uchun budjet qabul qiluvchilardan talabnomalarni olish, moliyalashtirish rejasi va yoyilma bilan talabnomalarni taqqoslash;

- talabnomalarni tartibga solish va jamlash; hujjatlarni qabul qilish va YaG’HR bilan bog’liq jarayonlar uchun Markaziy Bankga tayyorlanadigan va jo’natiladigan to’lov hujjatlarini ta’minlaydigan quyi tizimda, buxgalteriya kitoblarida amalga oshirilgan jarayonlarni ko’rsatish;