1-mavzu. «Budjet hisoboti» fanining predmeti va metodi

“Budjet hisoboti” fanining ob’ektlari

“Budjet hisoboti” fanining ob’ektlari bo’lib budjet tashkilotlarining va budjet mablag’lari oluvchilarning moliyaviy hisobotlari, Davlat budjetiga va davlat maqsadli jamg’armalari budjetlariga daromadlarning tushumlari to’g’risidagi hisobot, Davlat budjetining ijrosi to’g’risidagi hisobot, davlat maqsadli jamg’armalari budjetlarining ijrosi to’g’risidagi hisobotlar hisoblanadi

Budjet hisoboti quyidagi hisobot turlarini o’z ichiga oladi:

budjet tashkilotlarining va budjet mablag’lari oluvchilarning moliyaviy hisobotlari;
davlat budjetiga va davlat maqsadli jamg’armalari budjetlariga daromadlarning tushumlari to’g’risidagi hisobot;
davlat budjetining ijrosi to’g’risidagi hisobot;
davlat maqsadli jamg’armalari budjetlarining ijrosi to’g’risidagi hisobot.

Davlat maqsadli jamg’armalari budjetini tuzish va ijro etish printsiplariga va bir qator omillarga bevosita bog’liqdir

1. Qat’iy qonunchilik tizimi.
2. Budjet tasnifi asosida hisobot ko’rsatkichlarini shakllantirilishi
3. Budjet hisobotlarini kassa va hisoblash usulida shakllantirilishi
4. Budjet jarayoni (g’aznachilik).

Budjet tashkilotlari va budjet mablag’lari oluvchilarning moliyaviy hisobotlarni tuzishning me’yoriy-uslubiy asoslari

Shuningdek, 2014 yil 1 yanvardan amalga kiritilgan “Budjet kodeksi” ham budjet tashkilotlarida budjet hisobini tashkil qilish, xarajatlar smetasi ijrosini olib borish va uni nazorat qilish, shuningdek budjet ijrosi bo’yicha hisobotlarni tuzish, taqdim qilish va boshqa bir qator asosiy qonunchilik normalarni belgilab beradi.
O’zbekiston Respublikasi Hukumati tomonidan qabul qilingan bir qator qarorlar, jumladan, 1999 yil 3 sentyabrda qabul qilingan O’zbekiston Respublikasi Vazirlar Mahkamasining “Budjet tashkilotlarini mablag’ bilan ta’minlash tartibini takomillashtirish to’g’risida”gi 414-sonli qarori budjet tashkilotlarida buxgalteriya hisobini tashkil qilish jarayonini tartibga soluvchi me’yoriy hujjatlarning bir bo’g’ini hisoblanadi.