1-mavzu: Avtomobil transport harakat tarkibi

6 - mavzu: Sovutish tarmog’i. Sovitish tarmog’ining vazifasi va tasnifi
Reja
1. Sovitish tarmog’ining vazifasi

2. Sovitish tarmog’ining tuzilishi vazifasi

3. Sovitish tarmog’ining ishlash uslubi

Sovutish tarmog’i dvigatelning qizigan detallaridan issiqlikni majburan tashqi muhitga tarqatib, uning kerakli issiqlik maromida ishlashini ta’minlaydi. Dvigatelda ish tsiklining o’rtacha harorati 1070…1270 K (800…1000 °S). Bunday haroratda krivoship-shatunli va gaz taqsimlash mexanizmining detallari qizib ketadi, ishqalanuvchi yuzalar orasida moy kuyib, ishqalanish xaddan tashqari oshib ketadi. Natijada porshen xaddan tashqari kengayib, silindr ichida tiqilib qoladi, podshipniklar esa erib ketishi mumkin. SHu sababli dvigatelning qizigan detallaridan issiqlikni uzluksiz ravishda tashqi muxitga tarqatib turish lozim. Lekin dvigatel haddan tashqarii sovutilib yuborilsa ham issiqlik energiyasi bekorga sarf bo’ladi, moy quyuqlashib, ishqalanishga sarflanadigan quvvat oshadi. Undan tashqari, yonuvchi aralashma qisman tomchiga aylanib, silindrlar devoridagi moyni yuvib tushiradi, natijada silindr-porshen guruxiga kiruvchi detallarningyeyilishi ortadi. Demak, dvigatelning juda qizib ketishi yoki xaddan tashqari sovib qolishi uning foydali quvvatini kamaytirib, tejamkorligini yomonlashtiradi. Sovitish tarmog’i esa dvigatelning ishlashi uchun qulay bo’lgan issiqlik maromini belgilangan holda saqlab turadi.

Avtomobil dvigatellarida, asosan, suyuqlik yoki xavo bilan sovitish tarmoqlari qo’llaniladi. Suyuqlik bilan sovitish tarmog’i xavo bilan sovitishga nisbatan quyidagi afzalliklarga ega: 1) qo’llaniladigan suyuqlikning qaynash harorati 370…380°K (100…110°S) bo’lganligi sababli dvigatelning detallari qattiq qizib ketmaydi; 2) sovituvchi suyuqlik dvigateldan chiqayotgan shovqin tovushini qisman yutadi; 3) yurgizish davrida dvigatelning qizishi tezlashadi; 4) bu turdagi dvigatelning sovitish qovurg’alari bo’lmaganligi sababli bu silliq va ixcham bo’ladi. Xavo bilan sovitish tarmoqlarining afzalliklari quyidagilar: 1) tarmoqda suv nasosi, radiator, suv quvurcha, termostat yo’qligi sababli u oddiy vayengil ishlagan; 2) dvigatelda suv g’ilofi bo’lmaganligi sababli u muzlab qolmaydi; 3) suv yo’q joylarda ham dvigatel ishlatish mumkin.