1-Mavzu: Analitik kimyo fani, tadqiqot doirasi, maqsadi va vazifasi Ma’ruza rejasi

---

1-Mavzu: Analitik kimyo fani, tadqiqot doirasi, maqsadi va vazifasi 

Ma’ruza rejasi: 

1.  Analitik kimyo fanining vazifalari, yoki kimyogar-analitiklar nima bilan 

shug`ullanadilar 

2.  Analitik kimyoning kelib chiqish tarixi 

3.  Tahlil jarayonini boshlaymiz 

4.  Natijalarni hisoblash va hisobot topshirish 

5.  Namunaning o`lchami qanday aniqlanadi 

 

Analitik kimyo fanining vazifalari, yoki kimyogar-analitiklar nima 

bilan shug`ullanadilar 

Analitik  kimyoning  vazifasi  –  moddani  kimyoviy  nuqtai-nazardan 

tavsiflashdan  va  quyidagi:  “nima?”  (sifat  tahlili)  va  “qancha?”  (miqdoriy  tahlil) 

ikki  muhim  savolga  javob  berishdan  iborat.  Bizlar  tomonimizdan  foydalaniluvchi 

va  iste`mol  qilinuvchi  barcha  narsalar  kimyoviy  moddalardan,  kimyoviy 

birikmalardan  tashkil  topgan  bo`lib,  ko`plab  moddalarning  kimyoviy  tarkibini 

bilish  muhim  ahamiyatga  ega.  Analitik  kimyo  fani  kimyoning  amalda  barcha 

sohalarida muhim rol o`ynaydi, masalan: 

  qishloq xo`jaligi; 

  neft va mahsulotlari analizida; 

   klinik sud; 

   farmatsevtik kimyoda; 

   atrof-muhit kimyosi; 

   kimyo ishlab chiqarish 

   metallurgiya sohalarida. 

 Benzinning  oktan  soniga  qarab  uning  sifati  va  tan  narxi  oshib  boradi.  O`g`it 

tarkibidagi  azotning  miqdoriga  ko`ra  uning  bahosi  belgilanadi.  Oziq  –  ovqat 

mahsulotlari  ularning  tarkibida  toksik  (zaharli)  moddalarning  (xususan 

pestidsidlarning  qoldiq  miqdori)  miqdoriga  ko`ra  bo`lgani  kabi,  ulardagi  foydali 

moddalar  (vitaminlar)  miqdoriga  ko`ra  tahlil  qilinishi  zarur.  Katta  shaxarlarning 

havosida uglerod monooksidining miqdori qancha ekanligi aniqlanishi lozim. Qand 

kasalligi  bilan  kasallangan  bemorlarning  qoni  tarkibida  glyukoza  miqdori  doimiy 

ravishda  nazorat  qilinishi  zarur  (amalda  ko`pgina  kasalliklar  kimyoviy  tahlil 

natijalari  asosida  diagnostika  qilinadi).  Sud  kimyosi  sohasini  oladigan  bo`lsak, 

xujum  qilgan  insondan  himoyalangan  odamning  qo`lida  porox  tarkibida  bo`lgan 

elementlarning mavjud bo`lishi, quroldan o`q otilganligidan dalolat beradi. 

Sanoat  korxonalarida  ishlab  chiqarilgan  mahsulotlarning  sifati,  ular 

tarkibidagi  kimyoviy  moddalarning  nisbatiga  bog`liq  bo`ladi,  shuning  uchun 

ularning  miqdorini  aniqlash  –  sifatni  nazorat  qilishda  juda  zarur  operatsiya 

hisoblanadi.  Masalan,  po`latning  tarkibidagi  uglerodning  miqdori  uning  sifatini 

nazorat  bildiradi,  dori  vositalarining  (preparatlarining)  sofligi  –  ularning 

samaradorligini anglatadi. 

 

---