|
Bank haqida ma'lumot:
O’zsanoatqurilishbankning tarixi 1922 yildan boshlanadi — shu yili Toshkentda Sanoatbankning O’rta Osiyo idorasi ochilgan va bu mamlakatimiz iqtisodiyotining rivojlanishi bilan bevosita bog’liq.
Mamlakatimiz mustaqilligi e'lon qilinganidan so’ng yurtimizda sifat jihatdan yangi, ikki bosqichli bank tizimi shakllana boshladi va ta'sis yig’ilishda O’zsanoatqurilishbank aktsiyadorlik tijorat bankiga aylantirildi. O’zbekiston Respublikasidagi etakchi sanoat korxonalari va pudratchi tashkilotlari uning ta'sischilari bo’ldi.
2008 yil yakunlari bo’yicha yillik aktsiyadorlar yig’ilishida qabul qilingan qarorga muvofiq bankning yuridik nomi o’zgartirildi. Bankning yangi yuridik nomi – Aktsiyadorlik-tijorat banki - «O’zbekiston sanoat-qurilish banki» deb e'lon qilindi.
Bugun O’zsanoatqurilishbank yurtimiz kelajagiga daxldor yirik investitsiyaviy loyihalarni moliyalashtirish, neft-gaz, energetika, qurilish, transport, aloqa va ta'minot korxonalariga moliya-kredit xizmatlarini ko’rsatish, etakchi tarmoqlarni moliyalashtirish, bankrot korxonalarni sog’lomlashtirish, aholini ijtimoiy qo’llab-quvvatlash, tadbirkorlikni rivojlantirish kabi barcha sohalar rivojiga o’z hissasini qo’shib keluvchi mamlakatimiz moliya bozorining etakchi tijorat banki mavqeiga egadir.
O’zsanoatqurilishbankning tarixi milliy iqtisodiyotimizning taraqqiyoti hamda mamlakatda sanoatning qayta tiklanishi bilan bevosita bog’liqdir. Sanoatning tayanch tarmoqlarini texnik va texnologik qayta jixozlash, modernizatsiya qilish bo’yicha investitsion loyihalarni amalga oshirish orqali respublikamizning iqtisodiy salohiyatini yanada yuksalishiga imkon yaratilmoqda.
Shuningdek bank tomonidan mamlakatimiz aholisiga chakana xizmatlar ko’rsatishga ham alohida e'tibor berilib, bank infrastrukturasi muntazam ravishda kengaytirilmoqda, xizmat ko’rsatish sifatlari oshirilib yangi xizmatlar taqdim qilinmoqda.
“O’zsanoatqurilishbank” o’zining mamlakatimiz bo’ylab joylashgan bo’linmalari orqali 1 millionga yaqin mijozga salkam 50 turdagi an'anaviy va zamonaviy bank xizmatlari ko’rsatayotgani uning iqtisodiy salohiyatidan darakdir.
Kichik biznes va xususiy tadbirkorlikni rivojlantirish dasturi doirasida bank tomo-nidan tadbirkorlarga berilayotgan kreditlar xajmi yanada oshirildi, ular o’rtasida tanlovlar o’tkazilib, eng yaxshi loyihalar qimmat baho sovg’alar va imtiyozli kreditlar bilan taqdirlandi.
Shuningdek O’zsanoatqurilishbank tomonidan aholiga sifatli yangi turdagi bank mahsulotlari va xizmatlarini joriy etish bo’yicha muntazam ishlar olib boriladi. Bunda asosiy e'tibor axborot texnologiyalari asosida ishlab chiqilgan innovatsion mahsulotlarga e'tibor qaratiladi. Bularga misol tariqasida O’zsanoatqurilishbankning “Domashniy bank”, “Shaxsiy kabinet”, “UzCard-online” plastik kartochkasi, Internet-banking, Bank-mijoz, SMS-banking, Infokiosk orqali to’lovlar, halqaro pul o’tkazmalari, Visa plastik kartochkalari, imtiyozli Visa gold kartochkalari, shuningdek mijoz hoxishiga ko’ra ixtiyoriy dizaynli – Visa picture card kabi zamonaviy bank xizmatlarini keltirish mumkin.
“O’zsanoatqurilishbank” ATBning samarali faoliyati sirasiga yana bir misol tariqasida “Axbor – reyting” agentligi bankning kredit reytingini 2013 yil yakunlariga ko’ra, milliy shkala bo’yicha eng yuqori baho “uzAQ” darajasida «Ijobiy» prognozi bilan tasdiqlaganini keltirishimiz mumkin. Bankning barqaror rivojlanib borayotganligi xalqaro reyting kompaniyalari tomonidan ham tasdiqlanmoqda. Jahonda katta nufuzga ega “Fitch Ratings” xalqaro reyting agentligi “O’zsanoatqurilishbank” ATB reytingini “BQG`B” darajasida “Barqaror” reyting darajasini qayta tasdiqladi. Shu bilan birga, hisobot yilida “Standard&Poor`s” xalqaro reyting agentligi ham bankka berilgan barcha reytinglarni “BARQAROR” istiqboli bilan qayta belgiladi.
Mamlakatimiz hududlarini rivojlantirish bo’yicha investitsion dasturlarni moliyalashtirish, tadbirkorlarni qo’llab quvvatlash, xalq iste'moli tovarlarini ishlab chiqarishda innovatsion g’oyalarni tadbiq qilish, iste'mol kreditlari hajmini yanada oshirish –bankning asosiy vazifalari bo’lib qoladi.
2-mavzu. Amaliyot obyekti faoliyatini tartibga soluvchi me’yoriy-huquqiy hujjatlarni o’rganish
Mamlakatimizda samarali bank tizimini isloh qilish, erkinlashtirish hamda uning dunyo hamjamiyatida o’z o’rnini egallashi davlatimiz siyosatining eng muhim yo’nalishlaridan biri hisoblanadi.
Mamlakatimiz iqtisodiyotining tayanchi hisoblangan bank tizimini barqaror rivojlantirish va ishonchli faoliyat yuritish borasida bank faoliyatining o’ziga xos korporativ boshqaruv tizimi yaratishda xalqaro andozalar talablariga muvofiq huquqiy asoslarni qabul qilishni taqozo etadi.
Shu ma’noda, har qanday mamlakat bank tizimining samarali faoliyati uning korporativ boshqaruvi qanday darajada isloh etilganligi va bu sohani samaradorligini oshirishga qaratilgan qabul qilingan huquqiy asoslarga tayanishi bilan izohlash mumkin.
Respublikamiz bank tizimida korporativ boshqaruvning isloh etish borasida bir qator qonun hujjatlari qabul qilingan bo’lib, dastlab mamlakatimizda aktsiyadorlik jamiyatlariga asoslangan barcha tashkilot va korxonalarda korporativ boshqaruv munosabatlarini tartibga solishga qaratilgan muhim hujjatlaridan biri sifatida O’zbekiston respublikasida 1996 yil 26 apreldagi «Aktsiyadorlik jamiyatlari va aktsiyadorlarning huquqlarini himoya qilish to’g’risida» qonuni keltirish mumkin.
Aynan shu qonun bilan bir paytda mamlakatimizda 1996 yil 25 aprelda «Banklar va bank faoliyati to’g’risida»gi qonun ham qabul qilingan. Mazkur qonunda ilk bor banklarning korporativ boshqaruvga bag’ishlangan modda o’rin olgan. Ushbu qonunning 22-moddasiga ko’ra bankning boshqaruv organlari bo’lib, aktsiyadorlarning umumiy yig’ilishi, bank kengashi va boshqaruvi bankning boshqaruv organlari hisoblanadi.
Do'stlaringiz bilan baham: |
