1-mavzu : yosh va pedagogik psixologiya fanining tadqiqot sohasi va muammolari mavzu o‘quv maqsadi : Ta’limiy

Odatlar - bu kundalik faoliyatda ko‘p takrorlanishi natijasida avtomatlashgan va bajarilishi shaxsning funksional ehtiyojiga aylanib ketgan harakatlardan iborat individual hislat
Odatlarni insonning madaniy va axloqiy xulqida ahamiyati katta. Odatlar bilim, ko‘nikma va malakalar asosida tarkib topib, ulardan farqli o‘laroq, ijobiy hamda salbiy bo‘ladi. Masalan, mehnatsevarlik odati ijobiy, dangasalik odati salbiydir. Odatning fiziologik asoslari bosh miya yarim sharlar qobig‘ida hosil bo‘lgan dinamik stereotiplardir.
Ta’lim boshqariladigan jarayon bo‘lib, bunda har bir bolaning harakati qadamba-qadam nazorat qilinadi, o‘qituvchi har bir bosqichda o‘quvchining bilimlarini malakalarini o‘zlashtirish haqida axborot olib turadi, yangi material avvalgi materialni o‘zlashtirishga qarab taqdim etiladi.

13.3O‘quv faoliyatini boshqarish
O‘quv faoliyatini boshqarish o‘z-o‘zini boshqarishning tarkibiy qismi bo‘lib, mustaqil bilim olish, ijodiy fikrlash sari o‘quvchilarni etaklaydi. O‘quv faoliyatini boshqarishning tarkibiy qismlari rejalashtirish, o‘zini nazorat qilish, bilishga qiziqishdan iborat bo‘lib, o‘zaro jips bir-biri bilan aloqada hukm suradi. O‘quv faoliyatini boshqarishning tarkiblari umumlashgan ta’limiy usullar yordami bilan o‘quvchilar tomonidan o‘zlashtiriladi. Ular o‘ziga xos xususiyatlari, faolligi, ko‘lami, samaradorligi, sur’ati bilan tafovutlanishiga qaramay, bir-birlarini taqozo qiladi. Boshqaruv bu shunday yo‘naltiruvchi kuchki, u insonlardagi ijodiy potensial imkoniyatlarini oladigan sharoitlarni yuzaga chiqarishni maqsad qilib qo‘yadi. SHunday ekan, o‘qituvchining ta’lim-tarbiya jarayonini to‘g‘ri va oqilona boshqara olishi o‘quvchi shaxsi kamolotida nihoyatda kattadir.
Faoliyatdan kutiladigan natija psixologiyada maqsad deyiladi. O‘quv jarayonining boshqarilishi ikkita asosiy maqsadni ko‘zda tutadi. Ulardan birinchisi, o‘quv jarayonini to‘g‘ri tashkil eta olish, ikkinchisi esa o‘quvchilarning shaxsiy qiziqish va ehtiyojlarini qondirishdir. Ana shu maqsadlar boshqarishning vazifalarini belgilab beradi. Demak, o‘quv jarayonini boshqarishning:
- birinchi vazifasi tashkiliy bo‘lib, o‘quvchilarning ta’lim va tarbiyasi bo‘yicha ijtimoiy buyurtmalarni qondirish;