1-ma’ruza: «turizmda innovatsion faoliyat» faniga kirish

Инновация инфратузилмасининг асосий тузилмалари

Инновацион фаолият ресурслари	Инфратузилма шакллари
Технологик қўллаб-қувватлаш	Инновацион технологик марказлар, технопарклар, технологик кластерлар, жорий этиш марказлари, ускунадан жамоа бўлиб фойдаланиш марказлари
Ахборот ва консалтинг	Технологиялар трансфери марказлари, технологияларни тижоратлаштириш офислари, бизнес-инкубаторлар. инновация марказлари, ахборот тармоқлари
Молиялаштириш	Бюджет ва нобюджет технологик ривожланиш фондлари, венчур фондлари, старт фондлар, бизнес-фаришталар^3 ассоциациялари, минтақавий фондлар
Кадрларни тайёрлаш	Олий ўқув юртлари ва инновация соҳасида кадрлар тайёрлаш ва қайта таёрлаш, малакасини ошириш билан шуғулланувчи бошқа таълим муассасалари
Инновациялар савдосини қўллаб қувватлаш	Кўргазма, ярмаркалар, электрон тижорат воситалари, махсус воситачи тузилмалар

Инновация инфратузилмаси атамаси илмий адабиётларда кўп ҳолларда инновацион фаолият инфратузилмаси тушунчаси билан бир маънода қўлланилади. Аммо бу тушунчалар синоним бўла олмайди, чунки улар турли хил иқтисодий ҳодисаларни ифодалайди. Инновацион фаолият инфратузилмаси кенг тушунча бўлиб, унинг моҳиятини белгилашда инновацион фаолият тушунчасининг моҳиятига таяниш керак.

Юқорида таъкидлаб ўтилганидек, инновацион фаолият якунланган илмий тадқиқот ва лойиҳалар натижалари ёки бошқа илмий-техник ютуқларни (фан-техника ютуқларини) янги ёки такомиллаштирилган маҳсулотга; бозорда сотиладиган, амалий фаолиятда фойдаланиладиган янги ёки такомиллаштирилган технологик жараёнга, шунингдек, шу билан боғлиқ қўшимча илмий тадқиқот ва лойиҳаларга жорий қилишга йўналтирилган бўлганлиги сабабли инновацияларни қўллабқувватлаш жараёнида унинг миқдор кўрсаткичларигина эмас, балки инновация маданияти ривожланиши даражаси, янги билимларни тўплаш ва тарқатиш, бериш даражаси, инновациялар бозори ривожланиш даражасини билдиради. Қулай инвестиция муҳитининг мавжудлиги каби сифат кўрсаткичлари ҳам ҳисобга олиниши керак.
Шу сабабли ҳам инновацион фаолиятни инфратузилмавий қўллаб-қувватлаш тизими шаклланиши ва ривожланиши институционал ёндашув асосида амалга оширилиши керак. Демак, инновацион фаолият инфратузилмаси деганда, инновацион фаолиятни амалга ошириш учун зарур ижтимоий-иқтисодий шарт-шароитларни яратиш нуқтаи назаридан инновация жараёнини таъминловчи институтлар йиғиндиси тушунилади.