1-ma’ruza. Sintetik suyuqlik yoqilg‘isini ishlab chiqarish texnologiyasi

4.1. О‘zbekiston Respublikasi sharoitida suyultirilgan tabiiy gazlarni olish majmuasining qurilishi
Respublikamiz sharoitida STGni olish tizimlarini texnologiyasini va uni qatlam bosimi sо‘nib borayotgan va kam debitli konlarda mahsuldor qatlamni oxirigacha ishlatib neft va gazberaoluvchanlik koeffitsiyentini oshirishda qо‘llash iqtisodiy jihatdan maqsadga muvofiq hisoblanadi. Janubiy Kemachi konida XII-XIII mahsuldor qatlamlarni oxirigacha ishlatish, qoldiq zaxirasi 2400 mln.m³ baholanadi va umuman gazning zaxirasi 3200 mln.m³ bо‘lganligi uchun olinadigan gazni qayta ishlash uchun kelajak istiqbolda uni STG olish qurilmasiga qо‘shishning imkoniyati mavjud. Konni ishlatishning prognozini hisobiga muvofiq (10 yil) 750 mln.m³ gazni va undan 24,0 ming kondensatni m³ qazib olish mumkin. Bu loyihani amalga oshirsh uchun 10-12 ta gaz qazib olinadigan quduq ishga qо‘shiladi.

Shuni hisobga olish kerakki, Buxora - Xiva neftgazlilik regionida qoldiq gaz zaxirasiga ega bо‘lgan 12 ta sо‘ngan konlar mavjud bо‘lib (ishlanishi 75-85% ni tashkil qiladi), hajmi 16,0 mlrd.m³.ni hamda 15 ta konlardagi gazning zaxirasi 35 mlrd.m³.ni tashkil qiladi. Bu konlarni qaytadan ishlatish asosida STGlarni olish hisobiga energiya tejamkorligiga erishiladi hamda mator yoqilg‘isi sifatida foydalaniladi.