1-ma’ruza. Sintetik suyuqlik yoqilg‘isini ishlab chiqarish texnologiyasi

5.1 - rasm. Metan tarkibli gazlarni qayta ishlash sxemasi
Undan keyin reaksiya mahsulotlari va reaksiyalanmagan metan tarkibli gaz reaktordan chiqish kamerasi orqali issiqlik almashgichga sovitish va oksidlangan mahsulotlarni kondensatsiya qilish uchun chiqariladi. Kondansatsiyalangan mahsulot rektifikatsiyaga kirib keladi, kondensatsiya jarayonidan keyin qolgan sirkulyatsiya gazi absorberga tо‘planadi, qaysiki, u yerda oltingugurt oksidlaridan, uglevodorod va uning aralashmalaridan tozalanadi. Bu jarayonlarning hammasi avtomatik tizim orqali boshqariladi.

Sirkulyatsiya gazini tozalash bloki. Konlardagi tabiiy gazning kо‘pchilik tarkibida oltingugurt mavjud bо‘ladi. Oltingugurtning mavjudligi tabiiy gazni va yо‘ldosh neft gazlarini amalda qayta ishlash jarayonlariga tо‘sqinlik qiladi. Oltingugurt katalizatorlarni ish samaradorligini pasaytiradi hamda ekologik tomondan zararli mahsulot hisoblanadi. Reaktorlarda gomogenli oksidlantirishda katalizatorlardan foydalanilmaydi, lekin katalizatorlarga beriladigan yuklanmani va sirkulyatsiya gazini oltingugurt va uni oksidlaridan tozalash blokidagi qurilmalarga beriladigan ekologik yuklanmani kamaytirish uchun maxsus elementlar о‘rnatiladi. Konstruksiyada sirkulyatsiya gazini uglerod oksididan tozalash hamda azot va inert gazlarini, azotni utilizatsiya qilish, chiqarishda qisman shamollatish uchun moslamalar oldindan kо‘rib chiqiladi.