1-ma’ruza: “radiotexnik sistemalar nazariyasi” faniga kirish. Radiotexnik sistemalarning klassifikatsiyasi

Axborotni buzish tizimi (ABT). Bu tur RTTlar dushman RTTlarining ish holatini yomonlashtirishga yo‘naltirilgan bo‘lib, u dushman RTTining normal ish holatini yomonlashtiruvchi maxsus shakllantirilgan radioto‘lqinlarni tarqatadi.
Kombinasion tizimlar (KT) – yuqoridagi vazifalardan ikki va undan ortig‘ini bajarishga mo‘ljallangan tizim. Bu tizimlar qatoriga faol javobli RLS kiradi. Bu tur RTTlari axborotni chiqarib olish va uzatish amallarini bajaradilar.
Yuqorida keltirilgan RTTlarni turlarga ajratish qat’iy emas. Amalda foydalanadigan RTTlar bir necha tur RTTlar bajaradigan vazifalarni bajarishlari mumkin. Misol uchun, radioboshqaruv RTTi tarkibiga axborotni chiqarib olish radiolokatsiya va radionavigatsiya RTTlari hamda axborotni uzatish radiotelemetriya, komandalarni uzatish RTTlardan iborat bo‘lishi mumkin.

1.3.2. Radiotexnik tizimlarni uzatiladigan xabar turiga qarab ajratish

Turli radiotexnik tizimlarda axborotlarni uzatish, axborotni chiqarib olish, axborotga ishlov berish va zahiralash jarayonida (xabarlarni elektr signallari bilan almashtirishda, radiouzatish qurilmalarida, modulyatorlarda, demodulyatorlarda) turli signallardan foydalaniladi.
Uzatiladigan xabar va signal turiga qarab RTTlar quyidagicha bo‘linadi:

• 
  uzluksiz;
  
• 
  impulsli;
  
• 
  raqamli.
  

Uzluksiz RTTlarda xabarlarga ishlov berish uzluksiz bo‘lib, radiosignalning bir yoki bir necha parametrining uzluksiz o‘zgarishida o‘z aksini topadi. Bu tur tizimlarga radioeshittirish va teleko‘rsatuv (analog signallarga asoslangan) tizimlari va ba’zi radionavigatsiya RTTlari va boshqalar kiradi.
Impulsli RTTlarda uzatilayotgan axborot impulssimon radiosignallarning biron-bir parametrlarining mos ravishda o‘zgarishida o‘z aksini topadi. Bu tur RTTlarga impulsli signallardan foydalanishga asoslangan RLSlar va impulslar ketma-ketligini birlamchi xabar signaliga mos ravishda modulyatsiyalashga asoslangan RTTlar kiradi.