1-Маъруза: Кириш

Халқаро электротехника комиссияси (МЭК). Электротехника 
соҳасидаги халқаро ҳамкорлик бўйича ишлар 1881 йилдан бошланган бўлиб, 
бунга ўша йили бўлиб ўтган электр бўйича биринчи халқаро конгресс туртки 
бўлган эди. 1906 йили Лондонда 13 та мамлакат вакилларининг 
конференциясида махсус идора - халқаро электротехника комиссияси 
тузилди. Бу идора электр машиналари соҳаси бўйича атамалар ва 
параметрларни стандартлаштириш масалалари билан шуғуллана бошлади. 
МЭК низомига кўра бу ташкилотнинг мақсади электротехника ва 
радиотехника ҳамда уларга қўшни тармоқлардаги муаммолари соҳаларидаги 
стандартлаштириш масалаларини ҳал қилишдир. 
ИСО ва МЭК фаолиятлари бўйича ўзаро фарқланади. МЭК 
электротехника, электроника, радиалоқа, асбобсозлик соҳалари бўйича 
шуғулланади. ИСО эса қолган ҳамма соҳалар бўйича стандартлаштириш 
билан шуғулланади. 
Ҳозирги вақтда 41та миллий қўмиталар МЭК нинг аъзоларидир. МЭК 
инглиз, француз ва рус тилларида иш олиб боради. 
Метрология соҳасида қонунлаштирувчи халқаро ташкилот 
(МОЗМ). Халқаро миқѐсда метрология соҳасида қонунлаштирувчи ташкилот 
ҳам мавжуд. Бу ташкилотнинг асосий мақсади – давлатнинг метрологик 
хизматларини ва бошқа миллий муассасаларнинг фаолиятларини халқаро 
миқѐсда мувофиқлаштиришдан иборат. 
МОЗМ фаолиятининг асосий йўналишлари қуйидагилар: 
1. МОЗМ га аъзо бўлган мамлакатлар учун ўлчаш воситаларининг 
услубий меъѐрий метрологик тавсифлари бирлигини белгилаш; 
2. қиѐсий ускуналарни, солиштириш усулларини, эталонларни 
текшириш ва аттестациялашни, наъмунавий ва ишчи ўлчаш асбобларини 
уйғунлаштириш; 
3. халқаро 
миқѐсда бирхиллаштирилган ўлчаш бирликларини 
мамлакатларда қўллашни таъминлаш; 
4. метрологик хизматларнинг энг қулай шаклларини ишлаб чиқиш ва 
уларнинг жорийлари бўйича давлат кўрсатмаларининг бирлигини 
таъминлаш; 
5. ривожланаѐтган мамлакатларда метрологик ишларни таъмин этиш 
ва уларни зарур техник воситалар билан таъминлашда илмий техник 
ѐрдамлашиш; 
6. метрология соҳасида турли даражаларда кадрлар тайѐрлашнинг 
ягона қонун-қоидаларини (белгилаш). жорий қилишдан иборат. 
МОЗМ нинг Олий раҳбар идораси метрология бўйича қонун чиқарувчи 
Халқаро конференцияси ҳисобланиб, у 4 йилда бир маротаба чақирилади. 
МОЗМ нинг расмий тили француз тилидир.