1-Maruza Kirish

§9.1.Sifat to’g’risida umumiy tushunchalar, uning ko’rsatkichlari va 
nazorat turlari 
 
 
Sanoat va qurilish mah’sulotining sifati deb, mah’sulotning vazifasidan 
kelib  chiqib,  belgilangan  muayyan  talablarni  qondirishga  yaroqliligini 
bildiruvchi  xossalar  majmuasiga  aytiladi.  Sifat  obektiv  tafsilot  h’isoblanib, 
mah’sulotni  loyih’alash,  tayyorlash  va  foydalanish  bilan  band  kishilarning 
meh’nat faoliyati natijasida shakllanadi. 
 
Mah’sulot  sifat  ko’rsatkichi  -  mah’sulotni  yaratish,  ishlatish  yoki 
qo’llashning  muayyan  sharoitlarini  inobatga  olib  qaraladigan  xossalarning 
miqdoriy  tafsiloti.  Sifat  ko’rsatkichlari  aloh’ida  va  kompleks  ko’rsatkichlarga 
bo’linadi.  Aloh’ida  ko’rsatkich  uning  xossalaridan  birini  ifoda  etsa,  kompleks 
ko’rsatkich bir necha xossalarni etiborga oladi. 
 
Mah’sulot  sifatining  integral  ko’rsatkichi  -  kompleks  ko’rsatkich, 
mah’sulotni ishlatish yoki istemol qilishdan  olinadigan umumiy foydali samara 
bilan  uni  yaratish,  ishlatish  yoki  istemol  qilishga  ketgan  umumiy  h’arajatlar 
o’rtasidan  nisbatni  ifodalaydi.  Sifatning  asos  (baza)  ko’rsatkichi  -  mah’sulot 
sifatini taqqoslab bah’olashda asos uchun qabul qilingan ko’rsatkich. 
 
Mah’sulot sifat ko’rsatkichi darajasi  - mah’sulot sifat ko’rsatkichlarining 
asos  uchun  qabul  qilingan  ko’rsatkichlar  bilan  taqqoslashga  asoslangan  nisbiy 
tafsilot.