1-ma'ruza. Kirish. Oziq-ovqat mikrobiologiyasi va biotexnologiyasi о‘tmishda, hozir va kelajakda

1-MAVZU: KIRISH. OZIQ-OVQAT MIKROBIOLOGIYASI VA BIOTEXNOLOGIYASI O‘TMISHDA, HOZIR VA KELAJAKDA

Reja:

1. 
   Mikrobiologiya fani haqida umumiy tushuncha
   
2. 
   Mikrobiologiya tarmoqlari
   
3. 
   Mikrobiologiyaning boshqa fanlar bilan aloqasi
   
4. 
   Mikrobiologiyaning rivojlanish bosqichlari
   

Adabiyotlar:

1. 
   Zakirova M.R., Boboyev A.X. Oziq-ovqat mikrobiologiyasi. Darslik. – Toshkent: “IJOD-PRINT” MCHJ nashriyoti, 2019. – 272 b.
   
2. 
   Xo‘jamshukurov N.A., Davranov Q.D. Oziq-ovqat va oziqa mahsulotlari biotexnologiyasi. Darslik. – Toshkent: Tafakkur bo‘stoni, 2014. – 176 b.
   

2. Davranov Q.D. Mikroblar dunyosi. Risola. – Toshkent: ToshdAU, 2002. – B.161-164.
Tayanch sо‘zlar: mikrobiologiya, mikrobiologiya tarmoqlari, mikrobiologiya va biotexnologiyaning rivojlanish bosqichlari va istiqbollari
Mikrobiologiya fani haqida umumiy tushuncha. Mikrobiologiya kо‘z bilan kо‘rib bо‘lmaydigan mayda tirik mavjudotlarning shakli, katta-kichikligi, о‘sishi, hayot kechirish jarayonlarini turli xil usullar yordamida о‘rganadigan fandir. Mikrobiologiya fanining tarmoqlariga kelsak, bu mikroorganizmlar tarqalishi, hayot kechirish tarzi qanday jarayonlardan iboratligidan kelib chiqadi. Chunki mikroorganizmlar havoda, suvda, tuproqda, о‘simliklarda, hayvonlarda, odamlarda mavjud. Ana shu mikroorganizmlar yashash tarzi davomida juda keng kо‘lamdagi foydali ishlari ham, juda xunuk oqibatlarga olib keladigan zararli ishlarni ham amalga oshira oladilar. Shuning uchun hamma mikroorganizmlarni bir xilda yondoshmasdan alohida tarmoqlari bо‘yicha о‘rganish samaralidir. Shu sababdan ham texnik (sanoat) mikrobiologiyasi, suv mikrobiologiyasi geologik mikrobiologiya tibbiyot mikrobiologiyasi, sanitariya mikrobiologiyasi, chorvachilik mikrobiologiyasi, tuproq yoki qishloq xо‘jaligi mikrobiologiyasi kabi tarmoqlarga ajratilgan.