1-ma’ruza.” Elеktrotеxnika va elektronika” faniga Kirish

Qarshiliklarni aralash ulash ketma-ket va parallel ulashlarning birgalikda qo’llanilishidir (1.11-rasm, a) Qarshiliklarni aralash ulash sxemalarining xilma-xilligi tufayli bunday zanjirlarning ekvivalent qarshiligini aniqlashning umumiy ifodasini chiqarib bo’lmaydi. Har bir konkret hol uchun zanjirdagi qarshiliklarning ketma-ket va parallel ulangan qismlarini shartli ravishda ajratib olib, ma`lum formulalar bo’yicha ularning ekvivalent qarshiliklarini hisoblash lozim.

Qarshiliklari aralash ulangan zanjirlarning ekvivalent qarshiligini hisoblash zanjirning oxirgi qismidan manba tomon olib boriladi (1.11-rasm, b ). Bunda zanjir tobora soddalashib borib, bitta ekvivalent qarshilik zanjir ko’rinishiga keltiriladi. (1,11-rasm. v). Zanjirning har bir qismidagi tok va kuchlanish Om qonuniga binoan hisoblanadi.