1-маъруза: Боғловчи моддалар тўғрисида маълумотлар. Боғловчи моддаларни синфланиши, уларни ишлаб чиқариш учун ҳом ашё, қўшимчалар

7-маъруза: Гилтупроқли цементлар ва уларнинг турлари

Режа: 1. Гилтупроқли цементларинг таркиби

2. Гилтупроқли цементларни фойдаланиш соҳалари

Оҳактош ва гилтупроққа бой бўлган тоғ жинслари эригунча ёки қисман эриб пишириб ҳосил бўлган клинкер яхшилаб туйиб олинган тез қотувчан ва жуда пишиқ гидравлик боғловчи гилтупроқли ёки алюминатли цемент деб аталади. Гил тупроқли цемент тайёрлаш учун хом ашё сифатида асосан чуқинди тоғ жинсларидан бокситлар ишлатилади. Бокситлар қизил бўлиб гилтупроқ гидратининг темир гидроксид аралашмасидан иборат. Боксит конлари жуда кам бўлган учун гилтупроқли цемент ишлаб чиқаришда гилтупрокқа бой бўлган саноат чиқиндилари ҳам ишлатилади.

Гилтупроқли цемент таркибида 40% атрофида гилтупроқ (Aл₂O₃), 45% гача кальций оксид (СаО) ва 5…10% кремний (СиO₂) бор. Гилтупроқли цемент қотиш жараёнида сув билан тез реакцияга киришиб тез тишлашувчан қотиш хусусиятига эга бўлган икки кальцийли гидроалюминат минералини ҳосил қилади:
2(CaO∙Aл₂O₃)+11Н₂O=2CaO∙Aл₂O₃∙8Н₂O+2Aл(OН)₃
Қотган цемент таркибида эркин холдаги кальций гидроксид билан уч кальцийли гидроалюминат бўлмагани туфайли гилтупроқли цемент юмшоқ, чучук ва ер ости агрессив сувлари таъсирига чидамлидир.
Цементнинг тишлашиш даврининг бошланиши 30 минутдан кейнн бошланади, охири 12 соатгача давом этади. Гилтупроқли цемент тез қотувчан бўлиб, унинг бир кунлик мустаҳкамлиги 28 кунлигининг 50% ини ташкил этади.
Гилтупроқли цементнинг маркаси цемент-қумнинг 1:3 нисбатида тайёрланган намунаси уч кундан кейин сиқишга синаб аниқланади. Гилтупроқли цементнинг техникавий шартлари (ГОСТ 969-77) 33-жадвалда берилган.
Гилтупроқли цементнинг портландцементдан фарқи шундаки, у қотиш жараёнида кўп сув талаб этади, шу сабабли бетон қоришмалари учун сув-цемент нисбати 0,5-0,6 дан кўп олинади. Гилтупроқли цемент тишлашиш ва қотиш жараёнида ўзидан кўп иссиқлик ажратади. Шу сабабли, бетонлаш ишлари юқори температурада олиб борилса, уни совитиб туриш керак бўлади. Гил тупроқли цемент иншотларнинг, йўл ва кўприклар қурилишини тезлик билан фойдаланишга топшириш зарур бўлганда катта аҳамиятга эга. Гил тупроқли цементдан тайёрланган буюмларни буғ таъсирига учратиш ёки портландцемент билан аралаштириш мумкин эмас. Гилтупроқли цемент коришмасининг мустаҳкамлиги жуда тез ўсади, шунинг учун шошилинч бажариладиган ва бахтсиз ходисаларини йўқотиш ишларида бу цемент ишлатилади.
33-жадвал

Цемент маркаси	Мустаҳкамлик чегараси, МПа
	Сиқилишдаги		Эгилишдаги
	24 соатдан кейин	3 кундан кейин	24 соатдан кейин	3 кундан кейин
400 500 600	35 45 55	40 50 60	2 2,4 2,7	2,2 2,6 3,0

Назорат саволлар:
1. Гилтупроқли цемент қандай хосил бўлади.
2. Гилтупроқли цементнинг тишлашиш вақти ҳақида маълумот беринг.
3. Гилтупроқли цементнинг портландцементдан фарқи нимада.

Фойдаланилган адабиётлар

1. Қосимов И.К. Қурилиш ашёлари. Дарслик. Мехнат. Т., 2004.
2. Махмудова Н.А. Боғловчи моддалар. Ўқув қўлланма. ТАҚИ, Т., 2012.
3. Нуритдинов Х.Н., Қодирова Д.Ш. Боғловчи моддалар ва қурилиш материалларини тадқиқ этиш усуллари. Ўқув қўлланма. ТАҚИ, Т.,2012.
4. Волженский А.В. Минеральные вяжущие вешества. М., Стройиздат. 1979.