1-ma’ruza biologiyadan sinfdan tashqari mashg‘ulotlar. Reja

BOTANIKADAN AYRIM O‘QUVCHILAR BILAN TASHKIL ETILADIGAN MASHG‘ULOTLAR

№	Mashg‘ulot mavzusi	Mashg‘ulot o‘tka­zi­ladigan joy	Bajaradi­gan shaxs
1.1	Biologiyadan qo‘shimcha o‘quv adabiyot­la­ri ustida mustaqil ishlash, muayyan mavzularda matn, ma’ruza tayyorlash.	Kutubxona, bio­lo­giya o‘quv xona­si	O‘quvchilar
2.2	EHMning ta’lim beruvchi, model­lash­tirilgan, nazorat dasturla­ri yorda­mida bilimlarini sinab ko‘rish, mulьtimedialar vositasida ijodiy izlanishlarni tashkil etish.	Informatika o‘quv xonasi	O‘quvchilar
3.3	“Dorivor o‘simliklar” mulьtimedi­asi vositasida o‘quvchilarning ijo­diy izlanishlarini tashkil etish.	Informatika o‘quv xonasi	O‘quvchilar
4.4	O‘zbekiston “Qizil kitobi”ga kiritilgan o‘simliklarning biolo­giya­sini o‘rganish.	Biologiya o‘quv xonasi	O‘quvchilar
5.5	Turli muddatlarda ekilgan o‘simlik­larning biologiyasini o‘rganish.	Maktab tajriba maydonchasi	O‘quvchilar
6.6	Issiqxonalarda o‘stiriladigan man­za­ra­li, sabzavot,ssitrus va boshqa ekinlar­ning o‘sishi, rivojlani­shi­ga ekologik omillarning ta’siri­ni o‘rganish	Maktab tajriba maydonchasi va issiqxonalar	O‘quvchilar
7.7	O‘simliklar ustida kuzatish va tajribalar o‘tkazish.	tajriba maydoni, tirik tabiat burchagi.	O‘quvchilar
8.8	O‘simliklardan gerbariy va kolleksiyalar tayyorlash	tajriba maydoni, biologiya o‘quv xonasi	O‘qituvchi va o‘quvchilar

O‘quvchilar o‘zlarining hohish irodasi, qiziqishlariga muvofiq holda, ushbu mavzularning birini tanlab oladi va o‘qituvchi bilan hamkorlikda tuzilgan reja asosida ish olib boradi. Olib borilayotgan ishlar va ularning natijalarini biologiya o‘qituvchisi nazorat qilib boradi.
“Odam va uning salomatligi” o‘quv fani bo‘yicha ayrim o‘quvchilar bilan olib boriladigan sinfdan tashqari mashg‘ulotlar o‘quvchilarning o‘zlashtirgan bilimlarini mustahkamlash, uni amaliyotga qo‘llash, kasbga yo‘llash, tajriba va kuzatishlar o‘tkazish, mantiqiy, mustaqil va ijodiy fikr yuritish ko‘nikmalarini rivojlantirish, sog‘lom turmush tarzini shakllantirishda muhim ahamiyat kasb etadi.
Ushbu mashg‘ulotlarda o‘quvchilarning mustaqil o‘qishlari uchun sog‘lom turmush tarzi, turli kasalliklarning kelib chiqish sabablari, sport va jismoniy mashqlarning inson salomatligiga ta’siri haqidagi ilmiy-ommabop nashrlar, “Sihat-salomatlik”, “Fan va turmush” va boshqa jurnal sahifalarida chop etilgan maqolalar, odam organizmining tuzilishi bo‘yicha tayyorlangan mulьtimedia, inson salomatligi ensiklopediyalarini o‘rganish tavsiya etiladi.
O‘quvchilarning o‘z salomatliklarini asrash, sog‘lom turmush tarzini shakllantirish maqsadida muayyan mavzularda kuzatishlar o‘tkazish tavsiya etiladi. Jumladan, o‘quvchilarga “Sport va jismoniy mashqlarning odam organlar sistemasiga ta’sirini o‘rganish” bo‘yicha kuzatish o‘tkazish tavsiya etiladi. Kuzatish natijalarini ushbu jadvalga yozish va xulosa chiqarish zarurligi uqtiriladi.