1. Mamlakatimizda diniy ekstremizm, terrorizm va uyishgan jinoyatchilikka qarsi kurash

9-modda
Tomonlar ushbu Bitim doirasidagi hamkorlikni amalga oshirish uchun ingliz tilidan foydalanadilar.
10-modda
Ushbu Bitim Tomonlarning o‘zlari ishtirok etayotgan boshqa xalqaro bitimlardan kelib chiqadigan majburiyatlariga daxl qilmaydi.
11-modda
Tomonlarning o‘zaro yozma kelishuviga ko‘ra, ushbu Bitimga uning ajralmas qismi hisoblanadigan alohida bayonnomalar bilan rasmiylashtiriladigan o‘zgartish va qo‘shimchalar kiritilishi mumkin.
12-modda
Ushbu Bitimni talqin qilish va qo‘llash bilan bog‘liq bo‘lgan barcha nizolar Tomonlar o‘rtasida maslahatlashuvlar va muzokaralar orqali hal etiladi.
13-modda
Ushbu Bitimni bajarish maqsadida Tomonlarning vakolatli organlari idoralararo bayonnomalar tuzishlari mumkin.
14-modda
Agar o‘zgacha kelishib olinmagan bo‘lsa, har bir Tomon ushbu Bitim qoidalarini bajarishda yuzaga keladigan xarajatlarni mustaqil ravishda qoplaydilar.
Zarurat yuzaga kelganda Tomonlar bir-biriga beg‘araz yordam ko‘rsatishlari mumkin, shu jumladan jinoyatchilikka qarshi kurashda aniq vazifalarni bajarish uchun zarur uskuna va materiallarni berishlari mumkin.
15-modda
Ushbu Bitim Tomonlar uning kuchga kirishi uchun zarur bo‘lgan davlat ichki protseduralarini bajarganliklari to‘g‘risida diplomatik kanallar orqali oxirgi yozma xabarnoma olingan sanadan boshlab kuchga kiradi.
Ushbu Bitim besh yil muddatga tuziladi va Tomonlardan biri uning amal qilishini to‘xtatish niyati to‘g‘risida yozma ravishda xabardor qilmasa, u keyingi besh yillik muddatlarga o‘z-o‘zidan uzayaveradi.
Mazkur Bitimning amal qilishi boshqa Tomon tegishli nota olgandan olti oy o‘tgandan keyin tugatiladi.
Qohira shahrida 2007 yil 18 aprelda ikki asl nusxada, har biri o‘zbek, arab va ingliz tillarida tuzildi, bunda barcha matnlar bir xil kuchga ega.
Ushbu Bitim qoidalarini talqin qilishda kelishmovchiliklar yuzaga kelgan holda, ingliz tilidagi matn asos sifatida qabul qilinadi.
(imzolar)


(O‘zbekiston Respublikasi xalqaro shartnomalari to‘plami, 2007 y., 4-son)