1. Mahalliy moliyaning mazmuni, tarkibi va vazifalari. Mahalliy byudjetlar, ularning guruhlanishi Mahalliy moliyaning rivojlanish istiqbollari

Mavzu: Mahalliy moliya, mazmuni tarkibi va tuzilishi

REJA
KIRISH
1. Mahalliy moliyaning mazmuni, tarkibi va vazifalari.
2. Mahalliy byudjetlar, ularning guruhlanishi
3. Mahalliy moliyaning rivojlanish istiqbollari

Xulosa

Foydalanilgan adabiyotlar ro`yxati
KIRISH

So’nggi o’n yilliklar davomida bir qator mamlakatlarda iqtisodiy va ijtimoiy jarayonlarning hududiylashuvi kuzatilmoqda. Bu jarayonlarni boshqarish funktsiyalari tobora ko’proq markaziy hokimiyat organlaridan hududiy boshqaruv organlariga o’tib bormoqda. XX asrning so’nggi yillariga kelib butun dunyoda davlat tuzumi va boshqaruvida demokratik tamoyillarning rivojlanishi jadallashdi. Ko’pgina mamlakatlarda demokratik davlat tuzumining majburiy tarkibiy qismi – mahalliy o’z-o’zini boshqarish bo’lib, uning mohiyatini aholi qatlamlarining o’zi ular tomonidan erkin asosda saylangan vakillik organlari orqali boshqarishi tashkil qiladi. Xududiy vakillik va ijroiya organlariga yuklatilgan funktsiyalarni to’laqonli bajarish uchun ular ma’lum darajada mulkiy va moliyaviy-byudjet huquqlariga egadirlar. Bu huquqlarning amalga oshirilishi doirasida hududiy moliyaning o’rni va ahamiyati oshib bormoqda.

Avvalgi yillarda asosan respublika byudjetidan moliyalashtirib kelingan
kadrlar tayyorlash, hududiy ahamiyatdagi davlat kapital quyilmalarini
moliyalashtirish, aholini ijtimoiy himoya qilish xarajatlarining keskin oshib borishi
va bu turdagi xarajatlarni asosan mahalliy byudjetlar hisobidan moliyalashtirish
davlat byudjetidan amalga oshiriladigan xarajatlar tarkibida mahalliy byudjetlar
salmog‘ining oshishiga olib keldi.

Mahalliy byudjetlar aholini ijtimoiy himoya qilish borasida davlatning olib

borayotgan siyosatining joylardagi asosiy tayanchi hisoblanadi. Mahalliy
byudjetlarga xos bo‘lgan xususiyatlarning namoyon bo‘lishi, ulardan milliy
daromadni hududiy darajada taqsimlash va qayta taqsimlash hamda bu jarayonlarni
nazorat qilish quroli sifatida foydalanish faqat inson faoliyati jarayonidagina
mumkin bo‘ladi. Bu byudjet mexanizmida o‘z aksini topadi. Byudjet mexanizmi
davlat byudjet siyosatini amalga oshirishning dastak va vositalari yig‘indisi bo‘lib,
davlat tomonidan tashkil etiladi va byudjet munosabatlarini davlat oldida turgan
ijtimoiy-iqtisodiy vazifalarni bajarishga yo‘naltirishga xizmat qiladi