1-laboratoriya ishi Tizimni struktura sxemasini qurish. Tizim xususiyatlariga ko’ra bog’lanish modelini o’rganish. Ishning maqsadi

Boshqaruv qarorini qabul qilishning bosqichlari

	1-bosqich	2-bosqich	3-bosqich	4-bosqich
Har bir bosqichda yechiladigan savollar

Qisqacha nazariy ma’lumotlar
Qaror qabul qilish nazariyasining asosiy tushunchalari
Qarorni kim qabul qiladi?
Qaror qabul qiluvchi shaxs - bu qabul qilingan qarorga javobgarlik yuklanadigan, qabul qilingan qaror ifodalangan buyruqqa yoki hujjatga imzo qo‘yadigan shaxs. Odatda, bu bosh direktor, firma boshqaruvi raisi, shahar hokimi, harbiy qism komandiri, rektor va shu kabi shaxslar (bir so‘z bilan aytganda, javobgar shaxs). Ba’zi hollarda jamoaviy qaror qabul qilish hollari ham uchraydi, masalan, Oliy majlis, ilmiy kengash va shu kabi.
Qarorning loyihasini mutaxassislar tayyorlaydi (ko‘pincha "qaror qabul qiluvchi shaxs apparati" xodimlari bilan birgalikda). Agar qaror qabul qiluvchi shaxs o‘zining yordamchilariga ishonsa, u loyiha matnini o‘qib o‘tirmasdan uni imzolashi mumkin. Ammo javobgarlik qaror loyihasini tayyorlashda ishtirok etganlarning emas, balki qaror qabul qilgan shaxsning zimmasida bo‘ladi.
Amaliyotda qaror qabul qilishning har xil variantlari qaralayotganda suhbat bosqichlarini (qaror qabul qilishdan boshlab uning ijrosini ta’minlashgacha) aniq ajratib olish muhim. Chunki, har qanday tashkilot xodimlari o‘rtasida sodir bo‘ladigan ba’zi kelishmovchiliklar ana shu bosqichlarga javobgarlikning (kim nima uchun javob beradi, kim qanday qarorlar qabul qiladi) aniq belgilab olinmaganligidan kelib chiqadi. Shuning uchun topshirilgan ishning bajarilish tartibi va vaqt muddati muhim ahamiyatga ega. Axir bejizga, masalan, har qanday yig‘ilishda yigilish raisini saylash, yig‘ilish kun tartibini e’lon qilish va tasdiqlash, ma’ruzachilarga vaqt belgilash yoki har qanday tashkilot (korxona, jamoatchilik birlashmasi) ning ish faoliyati uning nizomini qabul qilishdan boshlanmaydi.