1 kurs talabalar uchun o’quv darslik (mа’ruzа mаtnlаri) Mualif: Musayeva O

Аdabiyotlar:

1. Р.Х. Алимов, Б.Ю. Ходиев, К.А. Алимов, С.У. Усмонов, Б.А. Бегалов, Н.Р. Зайналов, А.А. Мусалиев, Ф. Файзиева, «Миллий иқтисодда ахборот тизимлари ва технологиялари», Ўқув қўлланма, Т. Шарқ, 2004 йил.

2. А.Абдуллаев, М.Юсупов, С.Жамолдинов, Б.Абдулхаев. Ахборот хавфсизлиги асослари/Лекциялар курси.-Андижон, Андижон мухандислик иқтисодиёт курси, 2005 й

3. Internet saytlari: www.piter.com, www.intuit.ru, www.it-study.ru, www.informatika.ru, www.edu.uz

24 - mavzular. HTML tili va uni yaratish vositalari.

Reja:

1. HTML tili tushunchasi

2. HTML tili teglari

3. HTML faylini yaratish vositalari.

4. Word matn muharririda elektron sahifalar yaratish
1. HTML tili tushunchasi

HTML so‘zi Hyper Text Markup Language so‘zlarining bosh harflaridan olingan bo‘lib, «gipermatnni belgilash tili» degan ma’noni anglatadi va elektron sahifalar yaratish uchun ishlatiladi. HTML tili WWW (World Wide Web) da gipermatn hujjatlarini tayyorlash vositasi hisoblanadi. Ushbu tilda yaratilgan hujjatlarning afzalliklari shundaki, ular ma’lumotlarni ekranda boshqarish imkoniyatiga ham ega bo‘ladilar. Elektron sahifa yaratuvchisi bu sahifadan foydalanuvchi qaysi kompyuterda ishlashini yoki kompyuterida bu hujjatlar qanday formatda saqlanishini oldindan bilmaydi. Lekin kompyuterldan foydalanuvchi qaysi terminalda ishlashidan qat’iy nazar yaxshi formatlangan hujjatni olishi kerak. Bu muammoni esa HTML andoza tili hal qiladi. Elektron sahifalarni mahsus dastur — Internet Explorer yordamida ko‘rish mumkin. Elektron sahifalarning yana bir qulayligi shundaki, bu sahifalarda oddiy matnlar lar, harakatli kliplar, filmlar, shuningdek, tugmachalar (knopkalar) tanlash, tekshirish, matn kiritish katakchalari, giper murojaatlar, freymlar hamda sichqon va giper murojaat uchun animatsiyalarni yaratish mumkin bo‘lishidir.