1-илова ўзбекистон республикаси мактабгача таълим вазирлиги

8-илова. Намунавий йиллик мавзувий режа

Ойлар	Ой мавзуси	Ой ҳафталари	Ҳафта мавзуси
			6-7 ёш
Сентябрь	Ўзбекистон – менинг Ватаним	1-ҳафта	Менинг жонажон Ўзбекистоним
		2-ҳафта	Менинг шаҳрим – менинг махаллам
		3-ҳафта	Мен ва менинг дўстларим
		4-ҳафта	Мен ва менинг дўстларим
Октябрь	Куз ранглари	1- ҳафта	Фаслдаги ўзгаришлар. Кўчманчи қушлар
		2- ҳафта	Табиат инъомлари: сабзовотлар, мевалар, резавор мевалар
		3- ҳафта	Нон ҳаммадан азиз
		4- ҳафта	Ўзбекистон оқ олтини
Ноябрь	Транспорт, ЙҲҚ, ҲХА	1- ҳафта	Ҳаво, сув ва йўл транспорти
		2- ҳафта	Эҳтиёткор пиёда ҳафталиги
		3- ҳафта	Фавқулодда вазиятлар бўйича органлар
		4- ҳафта	Бизнинг яхши ишларимиз
Декабрь	Жонажон қиш фасли	1- ҳафта	Қиш. Конституция куни
		2- ҳафта	Соғлом танда – соғлом руҳ
		3- ҳафта	Фаслга биноан устки кийим, оёқ кийим ва бош кийим
		4- ҳафта	Янги йил нима дегани
Январь	Болалар боғчаси	1- ҳафта	Қишдаги кўнгилочар фаолиятлар
		2- ҳафта	Ватан ҳимоячилари куни
		3- ҳафта	Мен ва менинг танам
		4- ҳафта	Хушмоамалалик алифбоси
Февраль	Ажойиб дунё	1 ҳафта	Қўшни мамлакатлар
		2- ҳафта	Дунё мамлакатлари
		3- ҳафта	Ўзбекистоннинг улуғ намоёндалари
		4- ҳафта	Китоб тарихи ва инсон
Март	Яшна баҳор	1- ҳафта	Оналар куни
		2- ҳафта	Фаслдаги ўзгаришлар
		3- ҳафта	Халқ манбалари Наврўз байрами
		4- ҳафта	Ҳашаротлар
Апрель	Ер бизнинг умумий уйимиз	1- ҳафта	Гуллаб яшновчи баҳор
		2- ҳафта	Коинот сирлари
		3- ҳафта	Ер куни
		4- ҳафта	Сайёрамизни асранг
Май	Жиҳозлар ва асбоблар	1- ҳафта	Мен ва менинг уйим. Хотира куни
		2- ҳафта	Мебел. Миллий ҳунармандчилик
		3- ҳафта	Идиш товоқ. Миллий ўймакорлик
		4- ҳафта	Маиший асбоблар бизнинг ёрдамчиларимиз

9-илова. Мактабгача таълим ташкилотида ривожланиш марказларини самарали ташкил этиш бўйича методик тавсиялар

МТТда ривожланиш марказларини ташкил этиш Давлат талаблари ва «Илк қадам» давлат ўқув дастурини амалга оширишни назарда тутади. Марказларда ишлаш ҳар бир боланинг индивидуал хусусиятларини ҳисобга олган ҳолда энг самарали ривожланишига имкон берадиган тарзда, унинг индивидуал қобилиятлари, қизиқишлари, фаолият даражасини инобатга олган ҳолда ташкил этилади.

Мулкчилик шаклидан қатъи назар, бошланғич таълимга мажбурий бир йиллик бепул тайёргарлик кўриш учун барча гуруҳларда ривожланиш марказлари, шу жумладан мактабгача таълимда кун бўйи бўлиш учун тайёргарлик гуруҳлари мавжуд.


Мақсад: боланинг ҳар томонлама ривожланиши, тарбияланиши, ўқиши ва унинг мактабга самарали тайёргарлигини таъминлаш учун шароит яратиш.


Вазифалар:

• 
  Билим ва кўникмаларга эга бўлган эҳтиёжни шакллантириш;
  
• 
  индивидуал манфаатларни қўллаб-қувватлаш;
  
• 
  фикрлаш жараёнларини ва когнитив қизиқишни фаоллаштириш;
  
• 
  ривожланиш фаолияти;
  
• 
  Ностандарт ҳолатларда самарали ҳаракатларга тайёрликни ривожлантириш;
  
• 
  ташаббускорликни ривожлантириш, ўз фикрларини ижодий ифода этиш қобилиятини ривожлантириш;
  
• 
  болаларни техник ва бадиий ихтиро билан таништириш;
  
• 
  визуал - мажозий идрокни ривожлантириш;
  
• 
  хотирани, нозик восита кўникмаларини, фикрлаш, тасаввурни ривожлантириш;
  
• 
  коммуникатив кўникмаларни, мулоқот қобилиятини ва жамоавий ижодкорликни ривожлантириш;
  
• 
  болаларда изланиш ва когнитив фаолиятни ривожлантириш истиқболларини кенгайтириш;
  
• 
  баркамол шахсни ривожлантириш.
  

Мактабгача ёшдаги болаларни тарбиялашда ривожланиш марказларини ташкил этишнинг асосий шарти педагогдан тайёр билим олишдан кўра, болага ривожланиш марказларида фаолиятни танлаш имкониятини бериш, бунда у атрофдаги дунё ҳақида билимларни мустақил равишда эгаллаши, кўникмалари ва қобилиятларини ривожлантириш, болага қизиқувчанлик, мустақил изланиш, тадқиқот жараёнига қўшилиш имкониятини беришдир.

Ривожланиш марказлари таълим, ривожлантирувчи, ўқитиш, рағбатлантирувчи, уюшган, коммуникатив функцияларни бажариши керак.
Энг муҳими, улар мустақилликни ривожлантириш устида ишлашлари керак, болалар ва катталар ўртасидаги ўзаро муносабатларнинг шахсга йўналтирилган таълимга асосланган боланинг ташаббусини рағбатлантириши керак.
Гурух хонасидан мослашувчан ва ўзгарувчан тарзда фойдаланиш талаб этилади. Ривожланиш марказларидаги тематик, дидактик материалларлар боланинг эҳтиёжлари ва манфаатларини қондиришга хизмат қилиши керак.
Марказларнинг дизайни эстетик, болалар учун жозибали бўлиши керак, ва мустақил фаолиятга бўлган истакни келтириб чиқариши керак.
Гуруҳ хонасида ривожланиш марказларини яратишда ўйин фаолиятининг етакчи ролини ҳисобга олиш керак.
Ривожланиш марказларидаги жиҳозлар хавфсиз ва дидактик материалларлар болага тегишли бўлиши ва болаларнинг ёшига мос бўлиши керак.
Ривожланиш марказларидаги дидактик материалларлар тематик вазифаларни ҳисобга олган ҳолда ўзгариши керак.
Марказларни ускуналар билан ортиқча жиҳозламаслик зарур.
Ривожланиш марказлари болалар ва катталар билан алоқа қилиш ва биргаликдаги фаолиятни, шунингдек ўз ўзи билан шуғулланиш имкониятини таъминлаши керак.
Тематик режалаштиришга кўра, педагог ривожланиш марказларини дидактик материалларлар ва ўйин ускуналари билан таъминлаш устида ўйлаши ва тўлдириши керак. Марказларни болалар ва педагогларнинг биргаликдаги фаолияти ва ҳунармандчилик маҳсулотлари билан тўлдириш мумкин. Ҳар бир марказнинг мақсадига мувофиқ ҳафтанинг бошида педагогнинг тематик режасига биноан, материалларлар тайёрланади ва жиҳозланади. 

•