1. Иккинчи жaҳoн уруши йиллaридa прoкурaтурa oргaнлaрининг фaoлияти

16. Prokuratura organlari faoliyatining huquqiy asoslari? О‘zbekiston Respublikasining «Prokuratura tо‘g‘risida»gi qonuni (yangi tahriri) prokuratura organlarini tashkil etish va ular faoliyatining asosiy prinsiplarini, uning tizimi, prokuratura organlarining xodimlari bо‘yicha siyosatini va turli nazorat sohalari bо‘yicha prokurorlar vakolatini belgilaydi. Umumiy qoidalarga bag‘ishlangan birinchi bо‘limda prokuratura organlari faoliyatining mazmuni va tushunchalari ham belgilangan. О‘zbekiston Respublikasi hududida amalda bо‘lgan qonunlarning aniq va bir xilda bajarilishi ustidan nazoratni amalga oshirish, huquqbuzarliklarning oldini olish va profilaktika qilishga qaratilgan choralarning qо‘llanishi ana shular jumlasidandir. Prokuratura organlari faoliyatining asosiy yо‘nalishlari, prokuratura organlarini tashkil etish va ular faoliyatining asosiy prinsiplari, aybdorlarni javobgarlikka tortish, jinoiy tergovni amalga oshirish, jinoyatchilikka qarshi kurash borasidagi faoliyatni muvofiqlashtirish, davlat hokimiyati va boshqaruv organlari bilan hamkorlik masalalari ham unda keng yoritilgan.
17. Prokuratura organlarini tashkil etish va ular faoliyatning asosiy prinsiplari? Prokuratura organlarini tashkil etish va ular faoliyatining asosiy prinsiplari birlik, markazlashganlik, qonuniylik, mustaqillik va oshkoralikdir. Birlik prinsipi - prokuraturaning birligi, hamma prokuratura organlarini tashkil etish va faoliyat prinsiplarining birligida namoyon bо‘ladi, prokuratura organlarini esa Bosh prokuror boshchiligidagi markaziy mahkama boshqaradi. Markazlashganlik prinsipi – prokuratura organlari О‘zbekiston Respublikasi Bosh prokurori rahbarlik qiladigan yagona markazlashgan tizimni tashkil etadi. Quyi turuvchi prokurorlar yuqori turuvchi prokurorlarga hamda Respublika Bosh prokuroriga bо‘ysunadi va hisobdorligi asosida faoliyat kо‘rsatadi. Qonuniylik prinsipi - prokuratura organlarining xodimlari о‘z faoliyatlarida О‘zbekiston Respublikasi hamda boshqa qonunlarning talablariga aniq rioya etishlari va ularni bajarishlari shart. Mustaqillik prinsipi – prokuratura organlari о‘z vakolatlarini har qanday davlat organlari, jamoat birlashmalari hamda mansabdor shaxslardan mustaqil ravishda, qonunga bо‘ysungan holda amalga oshiradilar. Prokuratura organlarining faoliyatiga aralashish taqiqlanadi. Oshkoralik prinsipi – viloyatlar, Toshkent shahar, tumanlar va shaharlar prokurorlari va ularga tenglashtirilgan prokurorlar xalq deputatlarining tegishli kengashlariga, zarurat bо‘lgan holda esa fuqarolarning о‘zini-о‘zi boshqarish organlariga qonuniylikning hamda jinoyatchilikka qarshi kurashning holati tо‘g‘risida har yili axborot beradilar.