1. Ijtimoiy-iqtisodiy rivojlanish mohiyati va bosqichlari 6

Mundarija:

Kirish 2
1.Ijtimoiy-iqtisodiy rivojlanish mohiyati va bosqichlari 6
2.Ijtimoiy-iqtisodiy taraqqiyot va iqtisodiy o‘sish tushunchalari 15
3.Ijtimoiy-iqtisodiy taraqqiyotni amalga oshirish jarayonlari 21
4.O‘zbekiston ijtimoiy-iqtisodiy taraqqiyotining dastlabki bosqichidagi asosiy muammolar va ularning hal qilishda pragnozlarning ahamiyati 28
Xulosalar 32
Foydalanilgan adabiyotlar 35
Ilovalar 37
42

Kirish

Ishlab chiqarish munosabatlari faqat ishlab chiqaruvchi kuchlar bilangina o‘zaro aloqada bo‘lib qolmaydi. Ular bir vaqtda bazis ham hisoblanib, uning ustida ishlab chiqarish munosabatlarining ushbu tizimiga xos bo‘lgan alohida siyosiy, huquqiy, mafkuraviy, milliy, oilaviy va boshqa ijtimoiy munosabatlar hamda tartibotlarning alohida turlari qad ko‘taradi. Ana shularning yig‘indisi jamiyatning ustqurmasini tashkil etadi. Siyosat, huquq, ahloq va ustqurmaning boshqa elementlari ham faol rol o‘ynaydi, o‘zlarini vujudga keltirgan ishlab chiqarish munosabatlariga, ular orqali esa jamiyatning ishlab chiqaruvchi kuchlariga ham aks ta’sir ko‘rsatadi.

Prezident Shavkat Mirziyoyev Yangi yil munosabati bilan O‘zbekiston xalqiga yo‘llagan tabrigida 2022 yilni qanday nomlash bo‘yicha o‘z taklifini ma’lum qildi.
“Biz yangi yilga nom berishda, keng jamoatchilikning fikrlarini o‘rgandik. Ana shu takliflardan kelib chiqib, men Yangi — 2022 yilni mamlakatimizda „Inson qadrini ulug‘lash va faol mahalla yili“ deb e’lon qilishni taklif etaman”, — dedi davlat rahbari.
“Inson qadrini ulug‘lash — yurtimizda yashayotgan har bir odamning huquq va erkinliklari, qonuniy manfaatlarini ta’minlash demakdir. Bu borada jamiyatimiz asosi bo‘lgan mahalla hal qiluvchi o‘rin tutadi”, — dedi Prezident Shavkat Mirziyoyev.
Shavkat Mirziyoyev bundan buyon har bir mahallada samarali ish olib borish faoliyatning bosh mezoniga aylanishini ta’kidladi.¹
Prezident Shavkat Mirziyoyev 6-aprel kuni qurilish loyihalari taqdimoti bilan tanishdi.
Yangi O‘zbekiston ko‘chasi poytaxtimizning muhim yo‘llaridan biriga aylanib bormoqda. Oxirgi yillarda u yerda yangi bog‘, ko‘prik, universitet barpo etildi. Endi bu ko‘cha bo‘yida 610 gektar maydonda uy-joylar, mehmonxonalar, kinoteatr, restoranlardan iborat zamonaviy majmualar qurish rejalashtirilgan.
Loyihaga asosan, binolar to‘rt qavatli, to‘rt xil dizaynda bo‘ladi. Birinchi qavatda savdo va xizmat ko‘rsatish muassasalari faoliyat yuritadi. Yuqori qavatlarda xonadonlar yoki mehmonxonalar bo‘ladi. Ko‘cha bo‘yida piyoda va velosiped yo‘laklari, yerosti va yerusti yo‘llari barpo etiladi.
Prezidentimiz loyihani ma’qullab, uylarni energiyatejamkor qilib qurish, issiq va sovuqda mo‘’tadil bo‘lishini ta’minlash bo‘yicha tavsiyalar berdi. Ish o‘rinlarini ko‘paytirishga alohida e’tibor qaratish zarurligi ta’kidlandi.
- Eng muhimi - xalqimizga munosib yashash sharoiti va ish o‘rinlari yaratish, - dedi davlatimiz rahbari.
Hisob-kitoblarga ko‘ra, binolarda 1 million 700 ming kvadrat metr savdo va xizmat ko‘rsatish maydoni bo‘ladi. Buning negizida 14 mingdan ortiq ish o‘rni tashkil etiladi.
Shuningdek, ushbu ko‘chada joylashgan «Toshkent-Sharqiy» aeroporti infratuzilmasini rivojlantirish, yo‘lovchilar uchun zamonaviy sharoitlar yaratish choralari ham belgilandi.
30 yanvar kuni o‘tkazilgan taqdimotda mahalla markazlari barpo etish loyihasi ko‘rib chiqilgan edi. Bu gal Prezident ko‘rsatmalari asosida qayta ishlangan loyiha taqdimot qilindi.
Unga ko‘ra, bunday markazlarda stadion, o‘yin maydonchalari, kutubxona, kompyuterxona, oshxona, hammom va boshqalar bo‘ladi.
Mahalla va nuroniylarni qo‘llab-quvvatlash vazirligi taklifi asosida ushbu markazlar joyini aniqlash vazifasi qo‘yildi.
- Yoshlar o‘rgangan, infratuzilma borgan joylarni tanlash kerak. Mahalla idorasini ham shu yerga joylashtirish mumkin. Shunda bu joylar madaniyat va ma’rifat o‘chog‘i bo‘ladi. Bu markazlarda milliy o‘zligimiz namoyon bo‘lishi kerak, - dedi Shavkat Mirziyoyev.

Ma’lumki, 2025-yilda Toshkent shahrida Yoshlar o‘rtasidagi Osiyo o‘yinlari o‘tkazilishi rejalashtirilgan. Bu nufuzli musobaqa uchun poytaxtimizning Yashnobod tumanida Olimpiya shaharchasi qurilishi loyihalashtirilgan.

Loyihaga ko‘ra, shaharcha markazida olimpiya stadioni, uning ikki yonida yopiq sport majmualari, suv sporti saroyi, mashg‘ulot maydonchalari, eshkak eshish havzasi barpo etiladi. Ma’muriy bino, yotoqxona, muzey va xo‘jalik ob’ektlari ham quriladi.
Taqdimotda Olimpiya shaharchasi ob’ektlari qiymatini optimallashtirish choralari haqida ma’lumot berildi. Mutaxassislar bilan muhokama asosida, mazkur shaharcha loyihasi tasdiqlandi. Uni sifatli qilib qurish zarurligi ta’kidlandi.
- Bu majmua xalqimizga, yoshlarimizga mulk bo‘lib qoladi. Shuning uchun birinchi o‘rinda sifat, - dedi Prezidentimiz.
Toshkent shahrida xizmatlar sohasini rivojlantirish, jumladan, yerusti metrosi ostidagi bo‘sh yer maydonlarida yangi xizmat ko‘rsatish va savdo nuqtalarini tashkil etishga qaratilgan loyihalar ko‘rib chiqildi.
Taqdimotda Samarqand turizm markazida olib borilayotgan bunyodkorlik ishlari haqida ham axborot berildi.
Barcha bunyodkorlik ishlarini umumiy bir jihat - ish o‘rinlari tashkil etish maqsadi birlashtirib turadi. Chunki bu inshootlarni qurish hamda keyinchalik ishlatish jarayonida minglab vatandoshlarmiz ish bilan ta’minlanadi.²