1. Ижтимоий-маданий масалалар / Соғлиқни сақлаш. Санитарияга оид қонун ҳужжатлари]

Қорақалпоғистон Республикасида ҳомиладор аёллар ва гўдакларга кўрсатилаётган перинатал ёрдам сифати ва оммабоплигини ошириш
ЛОЙИҲАСИ
I. Лойиҳанинг қисқача тавсифи.
1. Лойиҳанинг мақсадлари.
1.1. Перинатал муассасаларнинг инфратузилмасини яхшилаш ва зарур ускуналар билан жиҳозлаш орқали аҳолини перинатал хизматлардан фойдаланиш имкониятларини ошириш.
1.2. Оналар ва гўдакларга тиббий хизмат кўрсатиш сифатини яхшилаш, аҳолининг ўз соғлиги ва овқатланиши бўйича онгли равишда қарор қабул қилиши учун тиббий саводхонлигини ошириш.
2. Лойиҳани амалга ошириш жойи.
Қорақалпоғистон Республикаси.
Мақсадли ҳудудлар: Беруний, Қўнғирот туманлари ва Нукус шаҳри.
Қўшимча равишда Тўрткўл, Элликқалъа, Мўйноқ, Шуманай ва Қонликўл туманлари қамраб олинади.
3. Лойиҳани амалга ошириш муддати.
18 ой.
II. Лойиҳани амалга ошириш учун масъуллар ва молиялаштириш манбалари.
1. Лойиҳани амалга ошириш учун масъуллар:
ЮНИСЕФнинг Ўзбекистондаги ваколатхонаси, БМТ Аҳолишунослик жамғармасининг Ўзбекистондаги ваколатхонаси, Ўзбекистон Республикаси Соғлиқни сақлаш вазирлиги, Қорақалпоғистон Республикаси Вазирлар Кенгаши, Қорақалпоғистон Республикаси Соғлиқни сақлаш вазирлиги.
2. Лойиҳани молиялаштириш манбалари:
Оролбўйи минтақаси учун Инсон хавфсизлиги бўйича кўп томонлама шериклик траст жамғармаси маблағлари — 1,61 млн АҚШ доллари;
ЮНИСЕФ маблағлари — 155,4 мингАҚШ доллари;
БМТ Аҳолишунослик жамғармаси маблағлари — 54 минг АҚШ доллари.
III. Лойиҳани амалга оширишдан кутилаётган натижа.
1.Оналар ва гўдаклар ўлимини камайтириш.
2. II-даражали перинатал муассасаларнинг инфратузилмасини яхшилаш, уларни замонавий ускуналар билан жиҳозлаш.
3. Перинатал муассасаларининг тиббиёт ходимларини ҳомиладор аёллар ва гўдакларга сифатли тиббий ёрдам кўрсатиш ва маслаҳат бериш масалалари бўйича салоҳиятини ошириш.
Лойиҳа иловада келтирилган Қорақалпоғистон Республикасида ҳомиладор аёллар ва гўдакларга кўрсатилаётган перинатал ёрдам сифати ва оммабоплигини ошириш бўйича чора-тадбирлар режаси асосида амалга оширилади.
Қорақалпоғистон Республикасида ҳомиладор аёллар ва гўдакларга кўрсатилаётган перинатал ёрдам сифати ва оммабоплигини ошириш лойиҳасига
ИЛОВА