1. Fuqarolik qonunchiligi. Tadbirkorlik / Faoliyatning ayrim turlarini litsenziyalash]

Qo‘shimcha litsenziya talablari va shartlariga quyidagilar kiradi:
pirotexnika buyumlarini yaratish bo‘yicha:
n) O‘zbekiston texnik jihatdan tartibga solish agentligi tomonidan akkreditatsiya qilingan asbob-uskunalar, priborlar, kimyoviy reaktivlar bilan jihozlangan hamda texnik reglamentlarda yoki standartlarda nazarda tutilgan ko‘rsatkichlarning barcha zarur fizik-kimyoviy, portlash va yong‘in-texnik tekshirishlarini o‘tkazish uchun sinov usullariga oid normativ-texnik hujjatlarga ega bo‘lgan ixtisoslashtirilgan laboratoriyalarning mavjudligi;
o) pirotexnika buyumlarining nazorat sinovlarini o‘tkazish uchun maxsus jihozlangan hudud (bino)ning mavjudligi;
p) normativ-texnik talablarga muvofiq bo‘lgan va pirotexnika buyumlarini ishlab chiqarish, saqlash, tashish, realizatsiya qilish, ulardan foydalanish, ularni yo‘q qilish va utilizatsiya qilishda ularning xavfsizligi va iste’mol xossalarini ta’minlash uchun axborotning to‘liq berilishini ta’minlaydigan konstruktorlik-texnologik va foydalanish hujjatlari jamlami (chizmalar, texnik shartlar, texnologik yo‘riqnomalar, qo‘llash bo‘yicha yo‘riqnomalar)ni yuritish;
pirotexnika buyumlarini ishlab chiqarish bo‘yicha:
r) litsenziya talabgori tomonidan xavfli ishlab chiqarish obyektlarining sanoat xavfsizligi to‘g‘risidagi qonunchilik hujjatlarida belgilangan hollarda va tartibda qo‘llaniladigan texnik qurilmalarni hisobga olish, identifikatsiyalash, sertifikatlash tizimini joriy etish va sanoat xavfsizligini ekspertizadan o‘tkazish;
s) O‘zbekiston texnik jihatdan tartibga solish agentligi belgilagan tartibda tayyor mahsulotning metrologik ta’minoti, kirish nazorati va sifat nazoratini tashkil etish;
t) ishlab chiqariladigan pirotexnika buyumlarining har bir turi bo‘yicha guvohnomalar, sertifikatlar, texnologik yo‘riqnomalar, texnik shartlar, qo‘llash bo‘yicha yo‘riqnomalar hamda texnik reglamentlarga yoki standartlarga muvofiq ishlab chiqilgan boshqa ilova qilinadigan hujjatlar mavjudligi;
u) buyumlarni ishlab chiqarishda, shu jumladan, import bo‘yicha olib kelingan, texnik reglamentlar yoki standartlar talablariga javob beradigan va qonunchilik hujjatlarida belgilangan tartibda berilgan muvofiqlik sertifikatlariga ega bo‘lgan ?ortlash va yong‘in chiqishi xavfi bo‘lgan xomashyo va komponentlardan foydalanish;
f) foydalaniladigan binolar, inshootlar va ombor obyektlari qurollangan holda qo‘riqlanishini ta’minlash;
x) rahbarning rejim bo‘yicha o‘rinbosari mavjudligi;