1. Fuqarolik qonunchiligi. Tadbirkorlik / Faoliyatning ayrim turlarini litsenziyalash]

10.	Litsenziya berishda kelishiladigan org�nlar:
Favqulodda vaziyatlar vazirligi; Qurilish vazirligi; Sanoat xavfsizligi davlat qo‘mitasi; “O‘zneftgazinspeksiya” hududiy bo‘linmalari; Ekologiya va atrof muhitni muhofaza qilish davlat qo‘mitasi hududiy boshqarmalari.
11.	Litsenziyaning amal qilish muddati:	cheklanmagan
12.	Izoh.	* Qo‘pol ravishda buzish deb hisoblanadigan talab va shartlar.

Maxsus elektron tizim orqali ayrim faoliyat turlarini litsenziyalash tartibi to‘g‘risidagi yagona nizomga
27-ILOVA
Tibbiy faoliyatni litsenziyalash
PASPORTI

1.	Litsenziya nomi:	tibbiy faoliyat uchun litsenziya
2.	Litsenziyalanadigan faoliyatning kichik turlari:	tibbiy faoliyat amalga oshiriladigan tibbiy ixtisosliklar turlari bo‘yicha
3.	Ariza beruvchilar toifasi:	yuridik shaxs
4.	Litsenziyalovchi organ:	O‘zbekiston Respublikasi Sog‘liqni saqlash vazirligi
5.	Litsenziyani olish uchun taqdim qilinadigan hujjatlar:	a) ariza; arizada quyidagi ma’lumotlar ko‘rsatiladi: yuridik shaxsning nomi va tashkiliy-huquqiy shakli, uning pochta manzili, faoliyatni amalga oshirish joyi, bank muassasasining nomi va bank hisobvarag‘i, telefon raqami, STIR, elektron pochta manzili (agar mavjud bo‘lsa), tibbiy faoliyat amalga oshiriladigan muddat, litsenziya toifalari bo‘yicha tanlash, ariza to‘ldirish sababi (yangi litsenziya olish, qayta rasmiylashtirish), litsenziyani olish tartibi (umumiy yoki tezlashtirilgan tartib), litsenziya talabgorining litsenziya talablari va shartlariga rioya qilishga roziligi; b) tasdiqlangan eng kam talablarga muvofiq tibbiy faoliyatni amalga oshirish uchun zarur bo‘lgan uskunalar va boshqa texnika vositalari, shu jumladan, tibbiy texnikaning mavjudligi haqidagi ma’lumot.
6.	Arizani ko‘rib chiqish uchun to‘lanadigan yig‘im miqdori:	arizani umumiy tartibda ko‘rib chiqish uchun bazaviy hisoblash miqdorining 2 baravari miqdorida. Arizani tezlashtirilgan tartibda ko‘rib chiqish uchun qo‘shimcha ravishda bazaviy hisoblash miqdorining 3 baravari miqdorida
7.	Litsenziya berilganligi uchun davlat boji miqdori:	bazaviy hisoblash miqdorining 5 baravari. Davlat boji quyidagi tartibda taqsimlanadi: 10 foizi — O‘zbekiston Respublikasi Adliya vazirligi huzuridagi Davlat xizmatlari agentligining budjetdan tashqari jamg‘armasining shaxsiy hisobvarag‘iga; 11,25 foizi — Axborot-kommunikatsiya texnologiyalarini rivojlantirish jamg‘armasining elektron hukumat va raqamli iqtisodiyotning idoralararo loyihalarini moliyalashtirish bo‘yicha maxsus hisobvarag‘iga; 11,25 foizi — litsenziya beruvchi organ hisobvarag‘iga; 22,5 foizi — budjetdan tashqari Rivojlantirish va sog‘liqni saqlashni boshqarish organlari xodimlarini moddiy rag‘batlantirish jamg‘armasining hisobvarag‘iga; qolgan qismi O‘zbekiston Respublikasining respublika budjetiga o‘tkaziladi.