1. Fuqarolik qonunchiligi. Tadbirkorlik / Faoliyatning ayrim turlarini litsenziyalash]

Masofaviy shaklda ta’lim xizmatlarini ko‘rsatish bo‘yicha litsenziya talablari va shartlari (professional, oliy, oliy ta’limdan keyingi ta’lim tashkilotlari uchun)

T/r	Litsenziya talablari va shartlari	Bajarilishi lozim bo‘lgan ko‘rsatkichlar
1.	O‘quv va o‘quv-metodik adabiyotlar hamda axborot-resurs bazasi bilan ta’minlanganligi:*	kamida 25 ta kompyuter texnikasi bilan jihozlangan elektron kutubxona; kamida 10 ta kompyuter texnikasi, skaner va nusxa ko‘chirish apparati bilan jihozlangan axborot-resurs markazi; o‘quv rejasi va dasturlaridagi barcha fanlardan masofaviy ta’lim texnologiyalaridan foydalanish orqali amalga oshiriladigan, o‘quv kontentini qamrab oladigan elektron o‘quv-metodik majmualar, shuningdek, ilmiy va o‘quv adabiyotlarining elektron bazasi; yuklamasi rejadagi ta’lim oluvchilar soniga mo‘ljallangan, ta’lim tashkilotiga tegishli bo‘lgan, mamlakat hududida joylashgan server qurilmasi; O‘zbekiston Respublikasi davlat standarti O‘zDSt 36.2030 — “Elektron ta’lim” milliy tizimiga kiritiladigan elektron metodik komplekslar va boshqa ta’lim resurslariga yagona talablar”ga muvofiq o‘quv-metodik resurslar; o‘quv yili uchun mo‘ljallangan o‘quv kontenti.
2.	Ta’lim tashkilotining bino yoki xonalariga qo‘yiladigan talablar:*	rahbar xonasi — 1 ta xona; xodimlar xonasi — 1 ta xona; auditoriyalar — kamida 5 ta (oliy ta’lim tashkilotlari uchun 10 ta) har biri 30 m^2 dan kam bo‘lmagan; hajmi 140 m^2 dan kichik bo‘lmagan xonada joylashtirilgan masofaviy ta’limni tashkil etish va boshqarish bo‘yicha tarkibiy bo‘linma; texnik xizmat ko‘rsatish xonasi — kamida 1 ta; virtual tarzda amalga oshirish imkoni bo‘lmagan laboratoriya mashg‘ulotlarini o‘tkazish uchun mo‘ljallangan an’anaviy laboratoriya; ta’lim oluvchilarni onlayn baholashni tashkil etishda kuzatuv tizimi (proktoring).
3.	Ta’lim oluvchilarning maksimal soni:*	guruhda — 25 nafar.
4.	Ta’lim oluvchilar soniga to‘g‘ri keladigan o‘qituvchilar shtat birliklari:*	20 nafargacha ta’lim oluvchiga 1 shtat birligi.
5.	O‘qituvchi va xodimlarning ilmiy salohiyati darajasi va qo‘nimsizligining oldi olinganligi:*	a) ilmiy darajaga va (yoki) ilmiy unvonga ega bo‘lgan o‘qituvchilarning minimal ulushi: professional ta’limda — 35%; bakalavriat bosqichida — 50%; magistratura bosqichida — 60%; oliy ta’limdan keyingi ta’lim bosqichida — 80%; b) asosiy shtatdagi o‘qituvchilar ulushi — 50%; v) masofaviy ta’lim texnologiyalaridan foydalanishning minimal darajasini o‘zlashtirgan pedagog kadrlar ulushi — jami pedagog kadrlarning 100%i; g) masofaviy ta’limning texnik va dasturiy komponentlari ishlashini va rivojlanishini ta’minlaydigan tegishli ma’lumot va malakaga ega muhandis-texnik xodimlar — 3 nafar.
6.	Axborot texnologiyalari bilan ta’minlanganlik darajasi:*	kompyuter texnikalari 40 mbit/sek tezlikdagi Internet jahon axborot tarmog‘iga ulanganligi; 100 % hududda Wi-Fi zonalar tashkil etilishi; ta’lim tashkiloti to‘g‘risidagi barcha axborot, jumladan, tashkilot nizomi yoki ustavi, o‘quv rejasi va dasturlari, pedagog kadrlar haqida ma’lumot, akademik kalendar joylashtirilgan rasmiy veb-sahifa; SCORM standarti talablariga muvofiq bo‘lgan LMS platformasining mavjudligi; mulkiy yoki boshqa ashyoviy huquq asosida o‘ziga tegishli bo‘lgan server qurilmasi mavjudligi.
7.	Onlayn va masofaviy ta’lim platformasiga qo‘yiladigan talablar:	onlayn va masofaviy ta’lim platformasi va unda quyidagi imkoniyatlar mavjudligi: ta’lim oluvchi bilim bo‘shliqlari va ta’lim ehtiyojlarini aniqlash diagnostika-baholash funksiyasi; individual ta’lim ehtiyojlari asosida ta’lim dasturini va kurslarni taklif etish funksiyasi: onlayn vebinar tizimi; interaktiv test va topshiriqlar asosida baholash imkoniyati; qayta aloqa tizimi; ma’lumotlar bazasi xavfsizligi kafolati; ta’lim to‘g‘risidagi hujjat yagona ma’lumotlar bazasiga ulanish imkoniyati.

Avtomototransport vositalari va shahar elektr transporti vositalari haydovchilarini tayyorlash va qayta tayyorlash bo‘yicha ta’lim xizmatlarini ko‘rsatish yuzasidan litsenziya talablari va shartlari