1. Фанга доир умумий тушунчалар, фаннинг мақсади ва вазифалари; Метрологиянинг ривожланиш тарихи, мақсад ва вазифалари; Асосий атама ва таърифлар

2. Стандартлаштириш объектлари
Стандартлаштирилаётган маҳсулотлар кўрилаётганлигига кўра тегишли талаблар белгиланади.
Стандартлаштириш объекти (О‘z DSt 1.10:1998) — стандартлаштириши лозим бўлган объект, географик, сиёсий ёки иқдисодий аломатларни ҳисобга олиб, стандартлашти­риш фаолиятига қатнашиш тури стандартлаштириш даражасидир.
Давлат (миллий) стандартлаштириш муайян бир мамлакат доирасида ўтказиладиган стандартлаштириш бўлиб, Ўзбекистонда давлат даражасида стандартлаштириш объект­лари О‘z DSt 1.0 :1998*да кўрсатилган.
Давлат стандартлаштириш объектлари этиб қуйидагилар кўрсатилган:
а) ташкилий-услубий ва умумтехник меъёрлар ва талаблар доирасида:

• 
  стандартлаштириш бўйича ишларни ташкил этиш ва олиб бориш;
  
• 
  турли соҳалардаги атамалар ва таърифлар;
  
• 
  маҳсулотни ишлаб чиқариш ва ишлатишда ягона техник тил, информацион технологияларнинг дастурий ва техник воситалари, техник ҳужжатлар;
  
• 
  техник-иқдисодий ва ижтимоий классификациялаш ва кодлаш;
  
• 
  техник хавфсизлик, атроф-муҳит ҳимояси, меҳнат ги- гиенаси, эргономика, техник эстетика талаблари;
  
• 
  катталиклар ва бирликлар тизими;
  
• 
  умуммашиносозликда қўлланиладиган буюмлар конс­трукция си;
  
• 
  маҳсулотлар сифатини таъминлаш ва текшириш ти- зимлари ва усуллари;
  
• 
  ўлчашлар бирлилигини таъминлаш;
  
• 
  физик константалар ҳамда модда ва материаллар хусу- сияти тўғрисидаги маълумотлар;
  

б)маҳсулотларга бўлган мажбурий талаблар, умумтех- никавий меъёрлар ва қоидалар;
в)тармоқлараро маҳсулотлар;
г)турли тармоқларнинг объектлари;
д)давлат ижтимоий-иқтисодий ва илмий-техник дастур- лари объектлари.
Ўзбекистон Республикасининг «Стандартлаштириш тўғрисида»ги қонунига 2013/2017 йилларда ўзгартириш
киритилгунга қадар Ўзбекистон стандартлаштириш тизимида тармоқ ва маъмурий-ҳудудий даражада стандартлаштириш олиб бори- лиши белгиланган эди. Бунда тармоқ стандартлаштириш объектлари этиб тармоқда ишлаб чиқаришни ташкил этиш ва бошқариш соҳасидаги меъёрлар ва қоидалар, маҳсулотлар ва уларнинг сифатини таъминлаш, маъмурий-ҳудудий стан­дартлаштириш объектлари сифатида эса, худудни ташкил этиш соҳасидаги меъёрлар ва қоидалар, айнан худудга хос маҳсулотлар ва уларнинг сифатини таъминлаш белги­ланган. Илгари тармоқ ва маъмурий-ҳудудий даражада курилган стандартлаштириш объектларини ҳозирда давлат ва ташкилот даражасидаги стандартлаштириш объектлари сифатида кўриш мумкин.
Ташкилотларда стандартлаштириш объектлари давлат стандарти О‘z DSt 1.28 :2013да белгиланган бўлиб, улар қуйидагилар бўлиши мумкин:

• 
  маҳсулотлар (хизматлар, хизматлар ва жараёнлар);
  
• 
  синовлар, ўлчашлар ва (ёки) таҳлиллар ўтказиш услубиятлари;
  
• 
  ташкилотда ишлаб чиқарилаётган ва янги яратилаётган маҳсулотлар.
  

Стандартлаштириш бўйича МҲ тоифасига кўра қуйидагича номланади ва белгиланади:
а) Ўзбекистон Республикасининг Вазирлар Маҳкамаси (таълим соҳасида), давлат бошқарув идоралари ва Давлат- лараро кенгаш томонидан тасдиқланадиган давлат даража­сидаги МҲ:

• 
  давлатлараро стандарт — ГОСТ;
  
• 
  Ўзбекистон давлат стандарти — О‘z DSt;
  
• 
  умумдавлат классифиқатори — О‘z DT;
  
• 
  меъёрлар ва қоидалар;
  
• 
  раҳбарий ҳужжатлар
  

г) ташкилотлар раҳбарлари томонидан тасдиқланадиган ташкилот даражасидаги MҲ:

• 
  ташкилотнинг стандарти — Т s.
  

Ташкилотлар стандартларида киритилган талаблар стандартлаштириш объектларига тегишли техник регламентлар ва Ўзбекистон давлат стандартлари талабларига қарама- қарши бўлмаслиги керак.