1. экономиканы модернизациялаў шараятында есап системасының орны ҳӘМ ӘҲмийети реже

7.Курс жумысын жақлаў ушын тезис ямаса баянат таярлаў

Талаба тәрепинен орынланған курс жумысын жүзеге шығарыў, ерисилген нәтийжелер тийкарында жумыстың мәниси, теориялық ҳәм әмелий әҳмийетин ашып беретуғын баянатын таярлаўға тығыз байланыслы.
Талаба өз баянатын таярлаўда, өз-ара логикалық байланысқан, мазмуны жағынан өз алдына үш бөлимге бөлип жазады. Таярланған баянаттың текстиң биринши бөлиминде теманың актуаллығы, илимий машқалалары, изертлеў алып барыўда қойылған ўазыйпалар мақсети көрсетиледи.
Екинши бөлим баянат текстиниң тийкарғы салмағын қурайды. Онда курс жумысы бойынша алып барылған излениўлер, ерисилген нәтийжелерге итибарын қаратыў ҳәм әмелдеги жағдайлар менен салыстырмалы түрде теңлестирип, оларға сын көз-қарас пенен жантасыўы зәрүр.
Баянат текстиниң ақырғы бөлиминде курс жумысының жуўмақлаў бөлиминдеги усыныс ҳәм пикирлерди билдириў ҳәм ондағы шығарылған жуўмақлар менен жуўмақланады. Бул жерде тийкарғы усыныс ҳәм пикирлерди көрсетип өтиў мақсетке муўапық болады.
8.Курс жумысын жақлаў
Курс жумысын жақлаў илимий тартыс характерине ийе болып, ашық түрде, жүдә талапшаңлық ҳәм талапшаңлық пенен илимий тартыс ҳәм сәўбетлесиў әдебине бойсынған ҳалда өткериледи.
Курс жумысының тийкарғы нәтийжелерин баян етиў ушын сөз талабаға бериледи. Курс жумысын жақлап шығыў көргизбе(презентация) жолы менен әмелге асырылады. Курс жумысының темасы бойынша талабаға баянат жасаў ушын 10-15 минутқа шекем ўақыт бериледи.
Талаба «Бухгалтериялық есап ҳәм аудит» кафедрасы тәрепинен дүзилген комиссия ағзаларының дыққат-итибарын тийкарынан өткерилген изертлеўдиң ақырғы нәтийжелери, жеке өзи тәрепинен ислеп шығылған жаңа теориялық ҳәм әмелий жол-жобаларға қаратыўы зәрүр.
Курс жумысын жақлаў ўақтында баянат ислеп артырған талаба қосымша рәўиште усыныс ҳәм пикирлерди тийкарлап бериў мақсетинде слайдлар, видеоәсбаплар, сызылмалар, кестелер, графиклер, диаграммалардан пайдаланыўы мүмкин.
Қосымша сызылмалар, слайдлар ҳәм диаграммаларда көрсетилген барлық материалларды талаба ҳеш қандай қыйыншылықсыз, ҳәммеге бирдей көринетуғын тәризде көрсете алыўы керек. Тек ғана баянат текстиниң мазмуны емес, бәлким берилген сораўларға исенимли, анық жуўап бериў, еркин баянат жасаў да мәлим дәрежеде жақлап шығыўдың дәрежесин анықлайды.
Баянаттан кейин комиссия ағзалары талабаға аўызеки түрде сораўлар береди. Сораўларға жуўап бериўден алдын талабадан ҳәр бир сораўды дыққат пенен еситиў ҳәм жазып алыў талап етиледи. Жуўаплар қысқа ҳәм анық, дәлиллер менен берилсе, кейинги берилетуғын сораўлар туўылмаўына имканият жаратады.
Барлық сораў-жуўаплар тамамланғаннан кейин комиссия ағзалары талабаның курс жумысын жақлап шығыўы нәтийжеси бойынша баҳа береди ҳәм тийисли ведомостқа талабаға қойылған баҳаны(баллды) рәсмийлестиреди.
1-қосымша