1. Dunyoqаrаsh tushunchаsi

45.Insonning bioijtimoiy mohiyati.Tayanch atamalar: Hayotning mazmuni va unda insonning vazifasi. Insonni falsafiy nuqtai nazardan o’rganishning zarurati. Zаmаhshаriy. Аbu Mаnsur Mоtrudiy аs- sаmаrqаndiy, Аbu Хаmid аl-G’аzzоliyning qаrаshlаri.Falsafiy antropologiya yechadigan muhim muammolar orasida inson biologik va ijtimoiy mohiyatining o’zaro nisbati to’g’risidagi masala alohida o’rin egallaydi. Inson jonli tabiatning bir qismi, shuningdek biologik evolyusiya mahsuli ekanligi hozirgi zamon tabiatshunosligi fanida nafaqat olimlar va mutaxassislar, balki ma’rifatli odamlarning keng doirasi uchun ham aniq-ravshan va deyarli shak-shubhasiz dalilga aylandi. Har bir inson o’z biologik xususiyatlari: genetik kodi, vazni, bo’yi, mijozi, terisi va sochining rangi, yashash muddati va shu kabilarga ko’ra betakrordir. Biroq ayni vaqtda inson ijtimoiy mavjudot ekanligi, uning o’ziga xosligi va betakrorligi odamzotning ijtimoiy tabiati, u kamol topgan, ta’lim-tarbiya olgan, madaniy va axloqiy qadriyatlar va mo’ljallarni o’zlashtirgan ijtimoiy muhit bilan belgilanishi ham shak-shubhasizdir.