1. Din tushunchasi. Dunyo dinlari

6.Namoz – islomda iymondan keyin musulmonlar ustiga farz qilingan ikkinchi amal hisoblanadi.
7.Ro‘za – yilda bir oy: hijriy qamariy kalendarning ramazon oyi davomida kunduz kunlari eyish-ichish va jinsiy aloqada bo‘lishdan tiyilish.
8.Zakot – “poklash” ma’nosini bildiradi, ya’ni ehtiyojdan tashqari bo‘lgan boylikning qirqdan bir qismini (1/40) sadaqa qilish.
9.Haj – qodir bo‘lgan kishi uchun umrida bir marta Makka shahridagi Ka’bani ziyorat qilish va ushbu ibodat o‘z ichiga oladigan arkonlarni ado etishdan iborat.
10.“Sunna” arabcha odat, an’ana, xatti-harakat tarzi degan ma’nolarni bildiradi. Sunniylik degan so‘z arabcha “Sunna”, “muqaddas rivoyat”, ya’ni Muhammad payg‘ambar to‘g‘risidagi rivoyatlar va uning hadislari to‘plami degan tushunchadan olingan.
11.Istihson (arabcha – yaxshilash, ma’qullash) shariatning chalkash, murakkab masalalariga qiyosini qo‘llanishning yo‘li bilan musulmon jamoasi yoki davlati uchun mumkin qadar yaxshiroq, foydaliroq, ma’qulrog‘ini qo‘llash tarzi hisoblanadi.
12.Fiqh-shariatning g‘oyaviy va amaliy harakatlari, tavsifi sifatida musulmonlarning turmush qoidalari va ijtimoiy qarashlarini ifodalaydi.
13.Qiyos – Qur’on va Sunnada uchramaydigan biror huquqiy masala, ulardagi shunga o‘xshash masala orqali berilgan yo‘l-yo‘riqqa, ko‘rsatmaga mantiqiy taqqoslash, o‘xshatish yo‘li bilan sharh, izoh etish asosida hukm yoki fatvo chiqarish.
14.Ijmo’ – (arabcha yakdillik bilan qabul qilingan qaror). Qur’on va hadislarda aniq ko‘rsatma bo‘lmagan huquqiy masalalarni hal etishda faqih va mujtaxidlarning to‘planib, yagona fikrdan hukm chiqarishi (fatvo berishi).
15.Din sotsiologiyasi - din va jamiyat munosabatlari
hamda shu munosabatlar ortidan kelib chiquvchi natijalarni o‘rganuvchi dinshunoslik sohasi.
16.Din psixologiyasi — inson diniy hayotining psixologik jihatlarini o‘rganuvchi dinshunoslik sohasi.
17.Din falsafasi — dinning mohiyati, insonning diniy haqiqatlar bilan bog‘liqligini o‘rganadigan soha.