1. Da'vo qilishning umumiy muddati qancha?

105. Фуқаролик хуқуқи фани тушунчаси?
Фуқаролик ҳуқуқи ҳуқуқ соҳасининг асосий, муҳим ва ажралмас қисми ҳисобланади. Мазкур фаннинг элементлари инсоният пайдо бўлиши билан боғлиқ бўлса-да, лекин “фуқаролик ҳуқуқи” атамасининг пайдо бўлиши қадимги Рим даврига бориб тақалади. “Фуқаролик ҳуқуқи” атамаси қадимги рим ҳуқуқ тизимидаги лотинча jus civile (цивил ҳуқуқи) – “гражданлик ҳуқуқи”
атамасидан олинган бўлиб, у рим фуқаролари – квиритларнинг ҳуқуқи (cives) ва давлат (шаҳар)нинг (civitas) ҳуқуқи маъноларини англатган. Кейинчалик замонавий ҳуқуқ тизимига қадимги рим хусусий ҳуқуқи атамалари (Zivilrecht, droit civil, civil law) кириб келган. Европа мамлакатларида товар-пул муносабатларининг ривожланиши ҳамда иқтисодий муносабатларни тартибга солувчи қонунчиликни такомиллаштириш зарурати, бу давлатлар ҳуқуқ тизимига қадимги рим хусусий ҳуқуқида тартибга солинган мулкий муносабатларга тегишли қонун-қоидаларни андоза сифатида олишни тақозо этди. Кейинчалик энг йирик, фундаментал ҳуқуқ тизимларидан бирининг номи civil law – гражданлик ҳуқуқи – фуқаролик ҳуқуқи сифатида атала бошланди. Шу сабаб ҳам мазкур ҳуқуқ соҳа вакиллари “цивилистлар”деб номланади.


106.Davlat xizmatlari agentlikning asosiy vazifalarini ayting?
Қуйидагилар Агентликнинг асосий вазифалари ҳисобланади:
1) жисмоний ва юридик шахсларга давлат хизматлари кўрсатиш соҳасида ягона давлат сиёсатини амалга ошириш;
2) ортиқча маъмурий тартиб-таомилларни бартараф этиш ҳисобига давлат хизматлари кўрсатиш тартибини такомиллаштириш, шунингдек идоралараро электрон ҳамкорликни ривожлантириш;
3) Давлат хизматлари ягона реестрини шакллантириш, ушбу соҳада давлат органлари ва бошқа ташкилотларнинг фаолиятини мувофиқлаштириш;
4) давлат хизматлари кўрсатишда фойдаланиладиган ахборот тизимлари, ресурслар ва маълумотлар базаларини лойиҳалаштириш, ишлаб чиқиш, жорий этиш ва интеграция қилишга ягона ёндашувларни ишлаб чиқишда иштирок этиш;
5) давлат хизматлари кўрсатиш соҳасида, шу жумладан тегишли ахборот тизимлари, ресурслари ва маълумотлар базаларини жорий этиш бўйича давлат органлари ва бошқа ташкилотлар фаолиятини назорат қилиш ва самарадорлигини баҳолаш;
6) давлат хизматлари кўрсатишнинг инновацион шакллари ва усулларини жорий этишни ташкил қилиш, ушбу соҳада қонунчилик ва ҳуқуқни кўллаш амалиётини такомиллаштиришга доир таклифлар ишлаб чиқиш.