1-dars. Mavzu: O'zbekistonda davlat tili va boshqa tillarning rivoji

22-DARS.MUSTAHKAMLASH
23-24-darslar.2- nazorat ishi. Ijodiy bayon

I.Maqsad: Mustaqil, ijodiy fikrlash ko'nikmalarini rivojlantirish, imlo va uslubiy savodxonligini tekshirish;

- mehnat - iste'dod va qobiliyat samarasi ekanligini singdirish.

II.Asosiy tushuncha va atamalar: Inson mehnati bilan mashhur, mehnat insonning maqsadiga muvofiq faoliyatdir, mehnat kishilik jamiyati hayotining asosiy sharti, mehnatda qobiliyat va iste'dodning namoyon bo'lishi.

III.Dars jarayonini amalga oshirish texnologiyasi:

Metod: Idrok xaritasi.

Shakl: Yozma.

Usul: Matnni o'qish, hikoya qilish.

Vosita: Bayonlar to'plami.

Darsning borishi: Bayonlar to'plamidan tanlangan ijodiy bayon matni o'qituvchi tomonidan o'qib beriladi. Qiyin so'zlar ma'nosi izohlanadi. Aqliy hujum usuli vositasida bayon rejasi tuziladi.

MEHNAT

Biz har kuni foydalanadigan deyarli hamma narsa inson qo'lining mahsuli, uning mehnati natijasidir. Inson o'z mehnati bilan hamda qo'li, aqli va kuch-quvvati yaratgan narsalar bilan mashhur.

Mehnat insonning maqsadiga muvofiq faoliyati bo'lib, eng awalo, tabiat mavjudotlarini o'zgartirib, ehtiyojiga moslashtirishni bildiradi. Mehnat kishilik jamiyati hayotining asosiy sharti, chunki u tufayli insoniyatning yashashi uchun zarur bo'lgan moddiy va ma'naviy ne'matlar yaratiladi.

Mehnatda insonning qobiliyati va iste'dodi namoyon bo'ladi, uning bilimlari kengayib boradi. Mehnatda inson jismonan toblanadi, irodasi va tabiati chiniqadi. Axir mehnat bu tirishqoqlik va sabr-toqatlik, g'ayrat va saranjom-sarishtalik, ishchanlik, topshirilgan ish uchun mas'uliyat demakdir.

Mehnat har kim kuch va qobiliyatini ishga solib, o'zini ko'rsatish imkoniyatini beradi. Ba'zi kishilar turli mashinalami yaratadilar, g'alla yetishtiradilar, foydali qazilmalar qazib chiqaradilar. Boshqalar esa kitob yozadilar, rasm chizadilar, spektakllar, kinofilmlar, musiqa yaratadilar. Uchinchilari esa texnikaning yangi turlarini qidiradilar, tabiat sirlarini ochadilar. (138-so z. «Bolalar ensiklopediyasi»dan)

Matn mazmuni o'quvchilar tomonidan qayta so'zlanadi. Mehnat haqida xalq maqollari, hikmatli so'zlar aytiladi.

Doskaga quyidagi «Idrok xaritasi» deb nomlangan ko'rsatma osib qo'yiladi. O'quvchilar xaritada ko'rsatilgan har bir izohni yana tarmoqlarga bo'lib chiqadilar.

O'quvchilarning shakllarga joylashtirgan har bir asosiy fikr yig'ilib, reja holiga keltiriladi va shu asosda bayon yozadilar.